Photos : नेहा पेंडसे नवऱ्यासोबत ‘या’ बर्फाळ प्रदेशात फिरतीवर; तिचा सुंदर लूक चर्चेत

नेहा पेंडसे सध्या युरोपमधील नयनरम्य देश स्वित्झर्लंडमध्ये पती शार्दुल ब्याससोबत खास सुट्टी व्यतीत करीत आहे. इंटरलेकन येथील बर्फाच्छादित डोंगर आणि थंडीच्या वातावरणात या जोडप्याने अनेक अविस्मरणीय क्षण कॅमेऱ्यात कैद केले आहेत. त्यांच्या फोटोंमध्ये स्वित्झर्लंडच्या निसर्गाची भव्यता स्पष्टपणे दिसून येते. अभिनेत्रीने शेअर केलेल्या एका फोटोत ती पती शार्दुल ब्याससोबत आहे. या फोटोत दोघेही जॅकेट, मफलर आणि गॉगल्सद्वारे थंडीपासून स्वतःचा बचाव करताना दिसत आहेत. या फोटोमध्ये नेहा पेंडसे आणि शार्दुल ब्यास दोघेही एका उंचीवरील ठिकाणी उभे आहेत. फोटोमध्ये नेहा पेंडसे एकटीच बर्फावर उभी आहे. तिने तपकिरी रंगाचा लांब स्कर्ट आणि काळ्या रंगाचे जॅकेट परिधान केले आहे. डोक्यावर स्कार्फ बांधून, ती या थंडीचा मनमुराद आनंद घेताना दिसत आहे. अभिनेत्रीने हे फोटो शेअर करताना खालील कॅप्शन लिहिली आहे, "Life with all its glory, coming to a full circle at piz Gloria #gratitude #blessed". मराठी चित्रपटसृष्टीतील ही लोकप्रिय अभिनेत्री सध्या आपल्या कामातून वेळ काढून पतीसोबत सुटीचा पुरेपूर आनंद लुटत आहे. (सर्व फोटो सौजन्य : नेहा पेंडसे/इन्स्टाग्राम)