हिवाळ्यात करा या दहा ठिकाणांची भटकंती

१. महाबळेश्वर - सह्य़ाद्रीच्या मुख्य रांगेवर, उंच जागी वसलेले हे गिरिस्थळ कायम थंडगार वातावरणासाठी प्रसिद्ध आहे.२.. गणपतीपुळे - हे रत्नागिरी जिल्ह्यातील प्रसिद्ध पर्यटनस्थळ आहे. येथील गणपतीची मूर्ती स्वयंभू आहे अशी मान्यता आहे. सह्याद्री पर्वतातील डोंगराळ भागात विराजलेली नैसर्गिक मूर्ती आणि जवळच पश्चिमेला अरबी समुद्र ह्यामुळे हे देऊळ आगळेवेगळे आहे३. पाचगणी - महाराष्ट्रातील सातारा जिल्ह्य़ातील महाबळेश्वरच्या बाजूस वसलेले असे अत्युत्तम थंड हवेचे ठिकाण म्हणजे पाचगणी. दोन दिवसांची सुट्टी घेऊन ताजेतवाने होण्यासाठी पाचगणी हे अगदी योग्य ठिकाण आहे.४. अलिबाग - अलिबागला काही लोक मिनी गोवा म्हणतात. हे मुंबई, पुण्यापासून एक दिवसाच्या सहलीसाठी जवळचे ठिकाण आहे. हे इथल्या समुद्रकिनाऱ्यासाठी आणि सीफूडसाठी प्रसिद्ध आहे.५. चिखलदरा - हे थंड हवेचे ठिकाण अमरावती जिल्ह्यात आहे. हे विदर्भाचे नंदनवन म्हणूनही प्रसिद्ध आहे.६. गगनबावडा - सह्य़ाद्रीच्या धारेतून पुढे आलेल्या एका डोंगरावर हा गगनगड वसला आहे. समुद्रसपाटीपासून याची उंची आहे ६९१ मीटर. गगनबावडा हे गडाच्या पायथ्याचे गाव आहे.७. भंडारदरा - हे स्थान रतनगड, अलंग-कुलंग, हरिश्चंद्रगड, भरवगड, घाटघर आणि महाराष्ट्रातील सर्वात उंच कळसूबाई शिखराने वेढलेले आहे.८. इगतपुरी - इगतपुरीत पाहण्यासारख्या जागा म्हणजे कुलंग,अलंग,मदनगड,कळसूबाई,रतनगड या उत्तुंग डोंगररांगा तसेच सांधन दरी,रंधा धबधबा या ठिकाणपासून जवळच आहे.कसारा घाटा जवळ भातसा रिव्ह्रर व्हैली,उंट दरी,पाच धबधबे,असे सुंदर ठिकाणे आहेत.९. तोरणमाळ - हे नंदुरबार जिल्ह्यातील थंड हवेचे ठिकाण आहे. तोरणमाळ सातपुडा पर्वताच्या तिसर्या व चौथ्या रांगेत अक्राणी तालुक्यात वसलेले आहे.१०. ताडोबा अंधारी-व्याघ्र प्रकल्प - ताडोबा-अंधारी व्याघ्र प्रकल्प महाराष्ट्रातील व्याघ्र प्रकल्प आहे. येथे वाघांची वस्ती आहे. ताडोबा राष्ट्रीय उद्यानात मुख्य आकर्षण जंगल सफारी आहे.