सजावट झाली, पाळणाही सजला; जन्माष्टमीचा उत्साह शिगेला

श्रीकृष्ण जन्माष्टमीला हिंदू धर्मात विशेष महत्त्व आहे. भगवान विष्णूचा आठवा अवतार म्हणून श्रीकृष्ण भगवानला मानले जाते.देशभरात हा सण मोठ्या उत्साहात साजरा केला जातो. त्यातही गोकुळ, मथुरा, वृंदावन, द्वारका, पुरी या ठिकाणी या उत्सवाला विशेष महत्त्व आहे. कृष्णाच्या जन्माचा हा दिवस एखाद्या सोहळ्याप्रमाणे साजरा करण्याची पद्धत आहे. या दिवशी उपवास करुन कृष्णाची मनोभावे पूजा केली जाते.एखाद्या लहान बाळाप्रमाणे कृष्णमूर्तीला आंघोळ घालून त्याच्यासमोर भक्तीगीते म्हणून हा उत्सव साजरा केला जातो. श्रीकृष्ण जन्माष्टमीच्या निमित्ताने राज्यातील अनेक कृष्ण मंदिरात गर्दी पाहायला मिळत आहे.मुंबई, नवी मुंबई, ठाणे यांसह ठिकठिकाणी पारंपारिक पद्धतीने श्रीकृष्ण जन्माष्टमी साजरी केली जात आहे. यानिमित्ताने अनेक मंदिरांना सजावट करण्यात आली आहे. तसेच भक्तांकडून प्रथेनुसार पुजाही केली जात आहे.दरम्यान राज्यातील बहुतांश मंदिर बंद असल्याने अनेक भाविक घरातच श्रीकृष्ण जन्माष्टमी साजरी करत आहेत.गेल्यावर्षीप्रमाणे यंदाही गोपाळकाल्यावर करोनाचे सावट पाहायला मिळत आहे. त्यामुळे ठिकठिकाणी आयोजित केला जाणार दहिकाला उत्सव रद्द करण्यात आला आहे.(सर्व फोटो - अमित चक्रवर्ती, इंडियन एक्सप्रेस)