TRAI on pesky calls : आर्थिक फसवणूक थांबवण्यासाठी भारतीय दूरसंचार नियामक (TRAI) प्राधिकरण नवीन उपयायोजनांवर काम करत आहे. याबाबत सोमवारी प्राधिकरणाने माहिती दिली. आर्थिक फसवणूक थांबवण्यासाठी इतर नियमकांसह सयुक्त कारवाई करण्यासह त्रासदायक कॉल्स आणि संदेश शोधण्यासाठी आपण विविध तंत्रज्ञानावर काम करत असल्याचे प्राधिकरणाने सांगितले.

या बातमीसह सर्व प्रीमियम कंटेंट वाचण्यासाठी साइन-इन करा

यूसीसी कॉल्स चिंतेचा विषय

अनसॉलिसिटेड कमर्शियल कम्युनिकेशन (UCC) किंवा त्रासदायक संप्रेषण हे लोकांसाठी गैरसोयीचे प्रमुख स्त्रोत असून ते त्यांच्या गोपनीयतेवर परिणाम करते, असे दूरसंचार नियामक प्राधिकरणाने सांगितले. तसेच, अनोंदणीकृत टेलीमार्केटर्स (UTM) विरुद्ध तक्रारी नोंदवल्या जात आहेत. विविध प्रकारचे यूसीसी एसएमएस पाठवण्यात मोठी वाढ झाल्याचे दिसून आले आहे. यूसीसी कॉल्स देखील चिंतेचा विषय ठरले आहेत, असे प्राधिकरण म्हणाले.

(जुने गेम्स खेळून कंटाळा आला? नेटफ्लिक्सने सादर केले ‘हे’ ३ नवीन गेम्स, जाणून घ्या माहिती)

दूरसंचार नियामक प्राधिकरण विविध भागधारकांच्या समन्वयाने अनोंदणीकृत टेलीमार्केटर्सकडून त्रासदायक संप्रेषन केले जात आहे की नाही, हे तपासण्यासाठी आवश्यक पवाले उचलत आहे. यामध्ये यूसीसी शोध प्रणालीची अंमलबजावणी, डिजिटल संमती संपादनाची तरतूद आणि आर्टिफिशियल इंटेलिजेन्स आणि मशीन लर्निंगचा वापर करून मेसेज टेम्पलेट्स आणि हेडर्सचे स्क्रबिंग करणे या चरणांचा समावेश आहे, असे प्राधिकरणाकडून सांगण्यात आले.

टेलिकॉम कमर्शियल कम्युनिकेश कस्टमर प्रेफरेन्स रेग्युलेशन २०१८

त्रासदायक कॉल्स आणि मेसेजेसना आळा घालण्यासाठी प्राधिकरणाने टेलिकॉम कमर्शियल कम्युनिकेश कस्टमर प्रेफरेन्स रेग्युलेशन २०१८ जारी केले. याने ब्लॉकचेनवर आधारित इकोसिस्टम तयार झाले आहे. या रेग्युलेशननुसार, सर्व कमर्शयिल प्रमोटर्स आणि टेलिमार्केटर्सना डीएलटी प्लाटफॉर्मवर नोंदणी करणे अनिवार्य आहे. तसेच, त्यांना मेसेज पाठवण्यासाठी ग्राहकाची संमती घेणे गरजेचे आहे. या अंतर्गत ६ लाख हेडर्स आणि जवळपास ५५ लाख मंजूर मेसेज टेम्पलेटसह सुमारे २.५ लाख प्रमुख संस्थांची नोंदणी करण्यात आली आहे, जी डीएलटी प्लाटफॉर्मचा वापर करून नोंदणीकृत टेलिमार्केटर आणि टीएसपीद्वारे ग्राहकांपर्यंत पोहोचवली जात आहे.

(आकर्षक दिसतो Google pixel 7a, लूक झाले लिक; मिळू शकते वायरलेस चार्जिंग, पाहा फोटो)

या उपयामुळे नोंदणीकृत टेलिमार्केटर्सच्या विरोधात ग्राहकांच्या तक्रारी कमी झाल्या आहेत. परंतु, नोदणी न झालेले पेस्की किंवा त्रासदायक कॉलर्स अजूनही ग्राहकांना स्पॅम करत असल्याचे दूरसंचार नियामक प्राधिकरणाने सांगितले.

आर्थिक फसवणूक थांबवण्यासाठी हा उपाय

दूरसंचार संसाधनांचा वापर करून आर्थिक फसवणूक थांबवण्यासाठी प्राधिकरणाने रिझर्व्ह बँक ऑफ इंडिया, सिक्युरिटीज अँड एक्सचेंज बोर्ड ऑफ इंडिया (SEBI) आणि ग्राहक व्यवहार मंत्रालय यांचा समावेश असलेली नियमकांची संयुक्त समिती तयार करण्यासाठी पुढाकार घेतला आहे, असे प्राधिकरणाने सांगितले.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Trai working on new technology to find pesky calls ssb
First published on: 01-12-2022 at 15:25 IST