walk with baby for 5 minutes to keep him calm says study | Loksatta

बाळ कसे शांत होते? संशोधकांच्या अभ्यासातून मिळाले ‘हे’ उत्तर

रात्री बाळ रडत असल्यास त्यास जवळ घेऊन केवळ पाच मिनिट चालल्याने बाळ शांत होऊ शकते असे संशोधकांना आढळले आहे.

बाळ कसे शांत होते? संशोधकांच्या अभ्यासातून मिळाले ‘हे’ उत्तर
ब्रिटिश माता पित्याने बाळाला पकोडा हे नाव दिले

रात्री बाळ रडत असल्यास त्यास जवळ घेऊन केवळ पाच मिनिट चालल्याने बाळ शांत होऊ शकते, असे संशोधकांना आढळले आहे. जपानमधील आरआयकेईएन सेंटर फॉर ब्रेन सायन्सच्या कुमी कुरोडा यांच्या नेतृत्वाखाली करंट बायोलॉजीमध्ये प्रकाशित झालेल्या आभ्यासानुसार ही माहिती आहे.

संशोधक विकासाच्या प्रारंभिक टप्प्यात असलेले स्तनधारी प्राणी जसे श्वान, मांजर, माकड आणि प्राणी जे अपरिपक्वतेमुळे स्वत:ची काळजी घेऊ शकत नाही, अशांचा आभ्यास करत होते. या दरम्यान त्यांना काही गोष्टी निदर्शनास आल्या. ज्या क्षणी प्राणी आपल्या पिलाला घेऊन चालतात त्या क्षणी ते शांत होतात आणि त्यांच्या हृदयाची गती कमी होते, असे संशोधकांना दिसून आले.

(आळसपणासह ‘या’ ६ सवयी वेळीच टाळा, अन्यथा मधुमेहाचा धोका वाढेल)

या आभ्यासातून जे निदर्शनास आले त्याची तुलना कुरोडो यांना इतर परिस्थितींशी करायची होती. या साठी त्यांनी २१ बाळांना चार विशिष्ट परिस्थितींमध्ये ठेवून आपल्या निष्कर्षांशी तुलना करून पाहिली. या परिस्थितींमध्ये आईने अर्भकांना घेऊन चालने, अर्भकांना घेऊन बसणे आणि लेटलेल्या अवस्थेचा समावेश होता.

यातून संशोधकांना दिसून आले की, जेव्हा आई आपल्या बाळाला घेऊन चालत होती तेव्हा बाळ शांत झाले आणि त्याच्या हृदयाची गती ३० सेकंदात कमी झाली. अशा प्रकराचे निष्कर्ष केवळ रॉकिंग कॉटमध्ये बाळ ठेवल्यावर दिसून आले, मात्र इतर परिस्थितींमध्ये ते दिसून आले नाही.

या प्रयोगातून असे कळले की केवळ बाळाला हातात धरून ठेवल्याने तो शांत होत नाही. त्यासाठी हालचाल करणे देखील गरजेचे आहे. याने मुलाचे ट्रान्स्पोर्ट रेसपॉन्स जागे होते. पुढे जेव्हा पाच मिनिटांकरीता चालने सुरू होते तेव्हा मजबूत प्रभाव दिसून आला. विशेष म्हणजे सर्व रडणारे बाळ शांत झालेत, त्यातील काही झोपले देखील.

(सकाळी उठताना करा ‘या’ क्रिया, लवकर जाग येईल, दिवसही चांगला जाऊ शकतो)

मात्र बाळांना परत त्यांच्या पलंगावर ठेवताना एक तृतियांशपेक्षा अधिक बाळ केवळ २० सेकंदात सावध झाले. संशोधकांनुसार सर्व बाळांनी शारीरिक प्रतिक्रिया दिल्या ज्यात हृदयाच्या गतीतील बदलावांचा देखील समावेश आहे ज्यामुळे मुले आईपासून वेगळे झाल्यास जागे होतात. मात्र, बाळाला झोपवण्यापूर्वी ते आधीच जास्त काळ झोपले असेल तर जागे होण्याची शक्यता कमी दिसून आली.

कुरोडा यांनी म्हणाल्या, चार मुलांची आई असतानाही परिणाम पाहून मला खूप आश्चर्य वाटले. मला असे वाटले की बाळाचे जागे होणे हे त्याला बेडवर कसे ठेवले जाते, जसे त्याची मुद्रा किंवा हालचालीची सौम्यता याच्याशी संबंधित आहे. परंतु आमच्या प्रयोगांनी या सामान्य गृहितकांना समर्थन दिले नाही. कुरोडा यांच्या म्हणण्यानुसार, आई किंवा कोणत्याही काळजीवाहू व्यक्तीसाठी हे परिणाम सारखेच असू शकतात.

संशोधनाच्या आधारे, त्यांनी रडणाऱ्या नवजात बाळाला प्रभावीपणे शांत करण्यासाठी एक नवीन पद्धत शोधून काढली आहे. रडणाऱ्या बाळाला धरून त्याच्याबरोबर पाच मिनिटे चालणे, त्यानंतर बाळाला झोपण्यापूर्वी आणखी पाच ते आठ मिनिटे बसन धरून ठेवणे, अशी ही पद्धत आहे.

(मुलांचा लठ्ठपणा घालवण्यासाठी करा ‘हे’ उपाय, फरक दिसून येईल)

वैज्ञानिक पद्धतींची चाचणी न घेता आम्ही पालकत्वाबाबत इतर लोकांचा सल्ला ऐकतो. परंतु, बाळाचे वर्तन समजून घेण्यासाठी आम्हाला विज्ञानाची आवश्यकता आहे. कारण ते आमच्या विचारापेक्षा खूपच जटिल आणि वैविध्यपूर्ण आहे, असे कुरोडा म्हणाल्या.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आळसपणासह ‘या’ ६ सवयी वेळीच टाळा, अन्यथा मधुमेहाचा धोका वाढेल

संबंधित बातम्या

“घटस्फोटाचं प्रमाण वाढलंय कारण…” नीना गुप्ता यांनी मांडलं भारतीय लग्नसंस्थेबद्दल मत
“घोडचुकीनंतर एखादा निर्लज्जच…” राज्यपाल कोश्यारींच्या विधानावर उदयनराजेंची संतप्त प्रतिक्रिया
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
पत्रकार रवीश कुमार यांचा राजीनामा; २६ वर्षांनंतर NDTV ची साथ सोडली
निष्ठावंतांची काँग्रेसला गरज नाही का?

व्हिडिओ

ताज्या बातम्या
गुजरातमध्ये पहिल्या टप्प्यासाठी आज मतदान
रब्बी हंगामात उच्चांकी पेरा; डिसेंबरअखेपर्यंत ६५ लाख हेक्टरवर लागवडीचा अंदाज
आरोग्य वार्ता : कर्करोगावरील उपचारात मुली मागे
ऊस गाळपाची गती मंदावली, शेतकरी चिंतेत; लातूर जिल्ह्यातील चित्र
“…तर आता यांच्या पोटात गोळा यायला लागला”, उद्धव ठाकरेंचं राज ठाकरेंवर टीकास्र