मोची आणि मेट्रो कंपनीच्या चपलांवर हिंदू देवी-देवतांचे फोटो, भाजपा नेते अनिल बोंडेंकडून कारवाईची मागणी | mochi and metro company used durga devi photos on Slipper shoes advertisement anil bonde rmm 97 | Loksatta

मोची आणि मेट्रो कंपनीच्या चपलांवर हिंदू देवी-देवतांचे फोटो, भाजपा नेते अनिल बोंडेंकडून कारवाईची मागणी

नवरात्री उत्सवानिमित्त मोची आणि मेट्रो या चप्पल बनवणाऱ्या कंपनीने जोड्यांच्या जाहिरातांमध्ये हिंदू देवी-देवतांचा फोटो वापरला आहे.

मोची आणि मेट्रो कंपनीच्या चपलांवर हिंदू देवी-देवतांचे फोटो, भाजपा नेते अनिल बोंडेंकडून कारवाईची मागणी
संग्रहित फोटो

नवरात्री उत्सवानिमित्त मोची आणि मेट्रो या चप्पल बनवणाऱ्या कंपनीने जोड्यांच्या जाहिरातांमध्ये हिंदू देवी-देवतांचा फोटो वापरला आहे. या प्रकारामुळे हिंदू बांधवांच्या भावना दुखावल्या असून संबंधित कंपन्यांवर कडक कारवाई केली जावी, अशी मागणी भारतीय जनता पार्टीचे नेते अनिल बोंडे यांनी केली आहे. तसेच सर्व हिंदू बांधवांनी संबंधित कंपन्यांच्या सर्व उत्पादनावर बहिष्कार टाकावा, असं आवाहनही बोंडे यांनी केलं आहे. ते अमरावती येथे पत्रकारांशी बोलत होते.

मोची आणि मेट्रो कंपन्यांवर कारवाईची मागणी करताना अनिल बोंडे म्हणाले, “मेट्रो आणि मोची कंपनीने जोड्यांची आणि चपलांची जाहिरात करण्यासाठी चक्क दुर्गादेवीचा फोटो वापरला आहे. मेट्रो कंपनीने नवरात्र सुरू झाल्यापासून फेसबूकवर ही जाहिरात दाखवली आहे. या जाहिरातीत वापरलेल्या चपलांवर दुर्गादेवीचा फोटो आहे. मोची कंपनीनेसुद्धा दुर्गादेवीचा फोटो वापरून हिंदू देवी-देवतांचा अपमान केला आहे. मोची कंपनीची जाहिरात फेसबूकवर सध्या लाइव्ह आहे.”

हेही वाचा- अखेर सस्पेन्स संपला! अमित शाह आणि फडणवीसांना मी भेटणारच; खडसेंचं स्पष्ट विधान, म्हणाले…

“हा प्रकार लक्षात आल्यानंतर आम्ही मोची कंपनीच्या सीईओशी संपर्क साधला पण त्यांनी कोणताही प्रतिसाद दिला नाही. माफी मागितली नाही. शिवाय ही जाहिरात फेसबुकवर अद्याप सुरूच आहे. मेट्रो कंपनीचे अधिकाऱ्यांनाही ईमेलवरून तक्रार केली. पण त्यांनीही कोणतीही कारवाई केली नाही” अशी माहितीही अनिल बोंडे यांनी दिली.

हेही वाचा- “जेव्हा खरी गोष्ट समोर येईल, तेव्हा…” एकनाथ खडसे भाजपात जाण्याच्या चर्चेवर रोहित पवारांची प्रतिक्रिया

पुढे अनिल बोंडे म्हणाले, “या कंपन्या चपलांची जाहिरात करण्यासाठी हिंदू देवी-देवतांचा वापर करत आहेत. हिंदू देवी-देवतांचा अपमान करत आहेत. दुसऱ्या एखाद्या धर्माच्या देवतांचा फोटो वापरण्याची त्यांची हिंमत झाली नसती. ते हिंदू धर्माला गृहीत धरत असतील, तर महाराष्ट्र शासनाला माझी विनंती आहे की, हिंदू धर्मातील लोकांच्या भावना दुखावल्याप्रकरणी संबंधित कंपन्यांवर निश्चितपणे कारवाई करावी. त्याचबरोबर समस्त हिंदू बांधवांना माझी विनंती आहे, त्यांनी मोची आणि मेट्रो कंपनीच्या सर्व उत्पादनांवर बहिष्कार टाकावा. या कंपन्या जोपर्यंत हिंदू जनतेची माफी मागत नाहीत, तोपर्यंत या कंपनीची अमरावतीमधील दुकानं बंद करू, असा इशाराही बोंडे यांनी यावेळी दिला आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“…तर एकनाथ खडसेंनी मंत्रिपदासाठी वरिष्ठांकडे वशिला लावून ठेवावा”, गिरिश महाजनांचं वक्तव्य

संबंधित बातम्या

“…तर आयुष्यभर उद्धव ठाकरेंचे पाय चेपू, त्यांनी फक्त…”, आमदार संजय गायकवाड यांचं जाहीर आव्हान!
“घरात राहिलेला माणूस…” उद्धव ठाकरेंना रोग झाल्याचं म्हणत प्रसाद लाड यांची खोचक टीका!
उद्धव ठाकरेंचा महाराष्ट्र बंदचा इशारा, नवनीत राणा म्हणाल्या, “राज्यपालांना हटवण्यासाठी पंतप्रधान मोदी…”
VIDEO: “स्वतंत्र मराठवाडाच नाही, तर मुंबईही केंद्रशासित प्रदेश करून दाखवू आणि…”, शरद पवारांचं नाव घेत सदावर्तेंचं मोठं वक्तव्य
“ताई हुशार निघाल्या” म्हणणाऱ्या उद्धव ठाकरेंना भावना गवळींचं प्रत्युत्तर; म्हणाल्या, “माझ्यावर झालेले आरोप…”

व्हिडिओ

ताज्या बातम्या
विश्लेषण : भारतात लवकरच होणार ‘टिल्टिंग रेल्वे’चं आगमान, काय आहेत खास वैशिष्ट्ये?
लघवीतून येणाऱ्या दुर्गंधीचा ‘या’ ५ गंभीर आजारांशी असू शकतो संबंध; वेळीच ओळखा आणि हे उपाय करा
हिवाळ्यात जिममध्ये न जाता वजन कमी करण्यासाठी फाॅलो करा ‘या’ ट्रिक्स, झपाट्याने होईल वजन कमी
चीनमध्ये करोनाचा हाहाकार, कठोर निर्बंधाविरोधात नागरिक रस्त्यावर; ‘शी जिनपिंग’ यांना हटवण्याची मागणी
“घरात राहिलेला माणूस…” उद्धव ठाकरेंना रोग झाल्याचं म्हणत प्रसाद लाड यांची खोचक टीका!