petition in nagpur bench of bombay hc for separate wards for transgender in jail zws 70 | Loksatta

तुरुंगांत तृतीयपंथीयांसाठी वेगळय़ा बराकीची मागणी ; उच्च न्यायालयाच्या नागपूर खंडपीठात याचिका

न्यायालयाने या प्रकरणात गृह विभागाच्या सचिवांना नोटीस बजावून यावर येत्या ११ ऑक्टोबपर्यंत उत्तर सादर करण्याचे निर्देश दिले.

तुरुंगांत तृतीयपंथीयांसाठी वेगळय़ा बराकीची मागणी ; उच्च न्यायालयाच्या नागपूर खंडपीठात याचिका
(संग्रहित छायाचित्र)

नागपूर : राज्यातील कारागृहांमध्ये तृतीयपंथी कैद्यांसाठी स्वतंत्र बराक तयार केले जावे, यासाठी नागपूर येथील तृतीयपंथी उत्तमबाबा सेनापती याने मुंबई उच्च न्यायालयाच्या नागपूर खंडपीठात याचिका दाखल केली आहे. न्यायालयाने या प्रकरणात गृह विभागाच्या सचिवांना नोटीस बजावून यावर येत्या ११ ऑक्टोबपर्यंत उत्तर सादर करण्याचे निर्देश दिले.

न्यायमूर्ती रोहित देव आणि अनिल पानसरे यांच्यापुढे ही सुनावणी झाली. उत्तमबाबा हा तृतीयपंथी चमचम गजभिये याच्या खून प्रकरणातील मुख्य आरोपी आहे. ही घटना जून-२०१९ मध्ये नागपुरात घडली होती. उत्तमबाबाला सुरुवातीला नागपूर मध्यवर्ती कारागृहामध्ये पुरुष कैद्यांच्या बराकीत ठेवण्यात आले होते. दरम्यान, पुरुष कैदी शारीरिक-मानसिक छळ व लैंगिक अत्याचार करतात, असा खळबळजनक आरोप उत्तमबाबाने केला होता. त्यामुळे त्याला १७ जून २०२१ रोजी अकोला जिल्हा कारागृहात स्थानांतरित करण्यात आले. परंतु, तेथेही त्याला पुरुष कैद्यांसोबत ठेवण्यात आले आहे. ते कैदीसुद्धा छळतात, असे उत्तमबाबाचे म्हणणे आहे. त्यामुळे त्याने उच्च न्यायालयात धाव घेतली आहे. स्वतंत्र बराकीवर निर्णय होईपर्यंत महिला कैद्यांच्या कक्षात ठेवण्यात यावे, अशी मागणीदेखील त्याने केली आहे. उत्तमबाबातर्फे अ‍ॅड. सोनिया गजभिये यांनी बाजू मांडली

...म्हणून याचिका : उत्तमबाबा यांच्या वकील अ‍ॅड. सोनिया गजभिये यांनी सांगितले की, कारागृहामध्ये तृतीयपंथीयांना पुरुष कैद्यांच्या बराकीत ठेवण्यात येते. यामुळे पुरुष कैदी त्यांचा लैंगिक छळ करतात. तृतीयपंथी कैद्यांना महिला कैद्यांच्या बराकीमध्ये ठेवले जावे असाही नियम नाही. राज्यातील कुठल्याही कारागृहामध्ये तृतीयपंथी कैद्यांसाठी वेगळी व्यवस्था नाही. त्यामुळे या याचिकेच्या माध्यमातून तृतीयपंथी कैद्यांसाठी स्वतंत्र बराक तयार केले जावे, अशी मागणी करण्यात आली आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बुलढाणा : ‘पीएफआय’ जिल्हाध्यक्षासह सात पदाधिकाऱ्यांच्या घरांची झडती; पोलीस व महसूल विभागाची संयुक्त कारवाई

संबंधित बातम्या

५२८ विद्यार्थ्यांना उच्च न्यायालयाचा दिलासा
नागपुरात RSS मुख्यालयात मोहन भागवतांच्या हस्ते ध्वजारोहण, ‘भारत माता की जय’चा जयघोष
चंद्रपूर : डॉ. बाबासाहेब आंबेडकर यांचे जीवनचरित्र लवकरच शालेय अभ्यासक्रमात – शिक्षणमंत्री दीपक केसरकर
यंदा २६ हजार नागरिकांकडून धम्मदीक्षा; गेल्या काही वर्षांच्या तुलनेत दीक्षाभूमीवरील सोहळय़ाला मोठा प्रतिसाद
बिगरव्यावसायिक अभ्यासक्रमांच्या ‘ओबीसी’ विद्यार्थ्यांवर अन्याय; वसतिगृहांत प्रवेश नाकारल्याने नाराजी

व्हिडिओ

ताज्या बातम्या
‘मित्र’च्या उपाध्यक्षपदी मुख्यमंत्र्यांचे निकटवर्ती; निती आयोगाच्या धर्तीवरील संस्थेत ठाण्याचे विकासक अजय आशर
डिसेंबर सर्वाधिक थंडीचा महिना; राज्यभर किमान तापमान सरासरीखाली
श्रद्धा वालकर हत्या प्रकरण : आफताबच्या ‘नार्को’नंतरची चौकशी तिहार कारागृहात पूर्ण
जत तालुक्याला पाणी योजनांसाठी निधी; मुख्यमंत्री एकनाथ शिंदे यांचे निर्देश
सरकारतर्फे वर्षभर कार्यक्रमांची रेलचेल ; पं. कुमार गंधर्व जन्मशताब्दी