नागपूरची सिद्धी इंडियन नेव्हीमध्ये पायलट; लष्करातील महिलांचा टक्का वाढता

नागपूर : भारतीय लष्करात महिलांचा टक्का वाढू लागला आहे. नागपूरच्या आणखी एका युवतीने लष्करात वैमानिक होण्याचे स्वप्न पूर्ण केले आहे. सिद्धी हेमंत दुबे हिची भारतीय नौदलात वैमानिक म्हणून निवड झाली आहे. सिद्धी नागपूरच्या रामदेवबाबा अभियांत्रिकी व व्यवस्थापन महाविद्यालयाची माजी विद्यार्थिनी आहे. तिची दोनदा भारतीय सैन्यदलात निवड झाली होती.