दीड वर्षापूर्वी बॉयफ्रेंडशी केलेलं लग्न, आता गोव्यात पार पडला बिग बॉस फेम अभिनेत्रीचा हळदी समारंभ

लोकप्रिय टीव्ही अभिनेत्री आणि ‘बिग बॉस १६’ची स्पर्धक श्रीजिता डे पुन्हा लग्न करतेय. तिचा मेंहदी सोहळा व हळदी समारंभ गोव्यात पार पडला. श्रीजिता डे हिने तिच्या हळदी समारंभातील काही फोटो सोशल मीडियावर शेअर केले आहे. श्रीजिता पती मायकलशीच बंगाली पद्धतीने पुन्हा लग्नगाठ बांधणार आहे. तिच्या लग्नाआधीचे विधी सध्या पार पडत आहेत. गोव्यात झालेल्या तिच्या हळदी समारंभातील काही क्षणांचे फोटो तिने शेअर केले. फोटोंमध्ये दोघेही त्यांच्या लग्नाआधीचे विधी एंजॉय करताना दिसत आहेत. मायकल व श्रीजिता यांनी हळदी समारंभानिमित्त रोमँटिक फोटोशूटही केलं. श्रीजिताच्या या फोटोंवर चाहते लाइक्स व कमेंट्सचा वर्षाव करत आहेत. श्रीजिता डेने तिचा बॉयफ्रेंड मायकल ब्लोम-पेपशी ३० जून २०२३ ख्रिश्चन पद्धतीने लग्न केलं होतं. त्यानंतर आठ महिन्यांनी तिने लग्नाचं रिसेप्शन दिलं होतं. आता दोघेही पुन्हा एकदा लग्नबंधनात अडकणार आहेत. (सर्व फोटो - श्रीजिता डे इन्स्टाग्राम)