भारतीय महिला संघाने घेतली पंतप्रधान नरेंद्र मोदींची भेट, वर्ल्ड चॅम्पियन टीम इंडियाने पंतप्रधानांना दिलं खास गिफ्ट; पाहा Photos

कर्णधार हरमनप्रीत कौरच्या नेतृत्त्वाखाली भारतीय महिला संंघाने विश्वचषक २०२५ चे जेतेपद आपल्या नावे केले. भारतीय महिला क्रिकेट संघाचे कोच अमोल मुझुमदार यांचं मोठं योगदान आहे. त्यांनी २०२३ मध्ये महिला संघाचे कोच म्हणून जबाबदारी स्वीकारली आणि त्यांच्या मार्गदर्शनाखाली टीम इंडियाने २०२५ चा विश्वचषक पटकावला. भारतीय महिला संघाने पहिल्यांदाच महिला विश्वचषक पटकावला आणि यानंतर संघ पंतप्रधान नरेंद्र मोदींची भेट घेण्यासाठी दिल्लीत पोहोचला. या भेटीचे काही फोटो समोर आले आहेत. संपूर्ण भारतीय महिला संघ फॉर्मल्स घालत गळ्यात विजयी मेडल घालून विश्वचषकाच्या ट्रॉफीसह पंतप्रधानांच्या भेटीला पोहोचले होते. या भेटीदरम्यान कर्णधार हरमनप्रीत कौर व उपकर्णधार स्मृती मानधना यांनी ही ट्रॉफी पंतप्रधानांसमोर धरत फोटो काढला. ही ट्रॉफी तुम्ही मेहनतीने जिंकलेली आहे, त्यामुळे ही ट्रॉफी पकडण्याचा मान तुमचा असं मोदींनी टी-२० वर्ल्डकप विजयानंतर भारतीय संघाला सांगितलं होतं, तेच त्यांनी इथेही लागू केलं. पंतप्रधान मोदींनी वेळ काढत भारतीय महिला संघाची भेट घेत त्यांच्याशी चर्चा देखील केली. भारतीय महिला संघ, कोच अमोल मुझुमदार व बीसीसीआयचे अध्यक्ष मिथुन मन्हास अशी टीम पंतप्रधानांच्या भेटीला त्यांच्या निवासस्थानी पोहोचली होती. पंतप्रधान मोदींशी भेटीदरम्यान भारतीय संघाच्या खेळाडूंनी त्यांच्याशी संवाद साधला आणि विश्वचषक, याचबरोबर त्यांच्या एकंदरीत क्रिकेट कामगिरीबद्दल चर्चा केली. भारतीय महिला संघाने टीम इंडियाच्या भेटीदरम्यान खास जर्सी पंतप्रधानांना भेट दिली. या जर्सीवर नमो असं लिहिलं असून १ नंबर जर्सीला दिला आहे. तर जर्सी क्रमांकाच्या बाजूला भारतीय संघातील सर्व खेळाडूंची नाव व त्यांच्या सह्या आहेत.(फोटो सौजन्य-@BCCI, @ANI)