पुणे : घर घेताय? परवडणारी घरेही आता सामान्यांच्या आवाक्याबाहेर!

या अहवालानुसार, पहिल्या सहामाहीत देशात २ लाख २९ हजार घरांची विक्री झाली. यात परवडणाऱ्या म्हणजेच ४० लाख रुपये किमतीच्या आतील घरांची संख्या ४६ हजार ६५० आहे. पहिल्या सहामाहीत एकूण विक्रीत परवडणाऱ्या घरांचे प्रमाण २० टक्क्यांवर आले आहे. मागील वर्षी पहिल्या सहामाहीत हे प्रमाण ३१ टक्के होते. मागील वर्षी पहिल्या सहामाहीत १ लाख ८४ हजार घरांची विक्री झाली आणि त्यात परवडणाऱ्या घरांची संख्या ५७ हजार ६० होती. यंदा पहिल्या सहामाहीत एकूण उपलब्ध घरांमध्ये परवडणाऱ्या घरांची संख्या १८ टक्क्यांवर आली आहे.

हेही वाचा >>> पुणे : व्यापाऱ्यावर गोळीबार; बंगळुरूमध्ये दोघे अटकेत

परवडणाऱ्या घरांची सर्वाधिक विक्री मुंबई आणि पुण्यात झाली आहे. परवडणाऱ्या घरांच्या विक्रीत मुंबईचा सर्वाधिक ३७ टक्के वाटा आहे. पुण्याचा २१ टक्के आणि दिल्लीचा १९ टक्के वाटा आहे. परवडणाऱ्या घरांची सर्वांत कमी विक्री हैदराबादमध्ये झाली असून, एकूण विक्रीतील वाटा केवळ २ टक्के आहे. परवडणाऱ्या घरांच्या विक्रीत घट होण्यामागे घरांच्या वाढलेल्या किमती कारणीभूत आहेत. जमिनीच्या वाढलेल्या भावामुळे परवडणाऱ्या घरांचा पुरवठा कमी झाला आहे. याचबरोबर अपुऱ्या पायाभूत सुविधा आणि आधुनिक तंत्रज्ञानाचा वापर केला जात नसल्याने परवडणाऱ्या घरांची बांधणी कमी झाली आहे, असे अहवालात नमूद करण्यात आले आहे.

हेही वाचा >>> पिंपरीत भाजपाच्या ‘या’ दाव्याने महायुतीत बिघाडी?

मागील वर्षभरापासून घरांच्या किमतीत वाढ होत आहे. त्यामुळे परवडणारी घरे घेणारे ग्राहक खरेदीचा निर्णय लांबणीवर टाकत आहेत. याच वेळी जमिनीच्या किमती वाढल्याने विकसक परवडणाऱ्या घरांऐवजी मध्यम अथवा आलिशान घरांच्या प्रकल्पांची उभारणी करण्यास पसंती देत आहेत. – अनुज पुरी, अध्यक्ष, अनारॉक ग्रुप

परवडणाऱ्या घरांची विक्री (जानेवारी ते जून २०२३)

शहर – घरे

– मुंबई – १७,४७०

– पुणे – ९,७००

– दिल्ली – ८,६८०

– कोलकता – ४,९९०

– बंगळुरू – ३,२७०

– चेन्नई – १,८२०

– हैदराबाद – ७२०

– एकूण – ४६,६५०