सगळेच आई-बाबा आपल्या लेकरांचे पुष्कळ लाड करत असतात. जे स्वत:ला लहानपणी मिळालं नाही ते आपल्या लेकरांना मिळालं पाहिजे याचा अट्टाहास करतात. अगदी सगळ्या मागण्या पुरवल्या जातात. मात्र मुलं ही स्वत:च्या पायावर उभी राहावीत, स्वावलंबी व्हावीत असंही आई वडिलांना वाटत असतं. सहसा पालक मुलांच्या चांगल्या भविष्यासाठी त्यांचं तारुण्य घालवत त्यांना चांगल्यातलं चांगलं देण्याचा प्रयत्न करतात. मात्र सध्या निवृत्त झालेल्या वडिलांचा एक व्हिडीओ व्हायरल होत आहे. या वडिलांचं बोलणं ऐकून सर्वच थक्क झाले आहेत. हा व्हिडीओही तुफान व्हायरल होत आहे.
या व्हिडीओमध्ये तुम्ही पाहू शकता, एक व्यक्ती एका स्विमिंग पूलमध्ये आनंद घेत आहेत. हरियाणात राहणाऱ्या धरमवीर नावाच्या व्यक्तीने हा व्हिडीओ इन्स्टाग्रामवर पोस्ट केला आहे. त्यावेळी ती व्यक्ती म्हणाली की, ‘निवृत्तीनंतर मी निवांत आयुष्याची कल्पना करत होतो. माझ्या मुलांचा असा समज होता की, मी त्यांच्यासाठी पैसे कमवून ठेवेन, पण मी त्यांना एक पैसाही देणार नाही. ते स्वत: का कमवू शकत नाही? मी काय ठेका घेतला आहे का? मी माझ्या पैशाचा आनंद घेईन’ तर कॅप्शनमध्येही त्यांनी स्वत:साठी कमवा आपली मुले त्यांच्यासाठी स्वत: कमवतील असं लिहलं आहे.
पाहा व्हिडीओ
हेही वाचा – Viral Video: चारही बाजूने पाण्याचा रौद्र प्रवाह, मधोमध गाडीसह अडकली महिला, काही क्षणात..
हा व्हिडीओ सोशल मीडियावर व्हायरल होत असून धरमवीर हरयाणा यांनी स्वत:च्या इंस्टाग्राम अकाउंटवरुन हा व्हिडीओ शेअर केला आहे. धरमवीर हे अशाप्रकारे अनेक व्हिडीओ पोस्ट करत असतात. हा व्हिडीओ नेटकऱ्यांच्या पसंतीस उतरला असून याला आतापर्यंत लाखो व्ह्यूज गेले आहेत.