cm eknath shinde and devendra fadnavis on Lata Mangeshkar Award in mumbai ssa 97 | Loksatta

“लतादीदी म्हणजे ईश्वराचा अंश, नेहरूंपासून ते मोदींपर्यंत सर्वांनाच…”; देवेंद्र फडणवीसांनी दिला आठवणींना उजाळा

Lata Mangeshkar Award : भारतरत्न लता मंगेशकर पुरस्काराचे वितरण आज करण्यात आलं. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस उपस्थित होते.

“लतादीदी म्हणजे ईश्वराचा अंश, नेहरूंपासून ते मोदींपर्यंत सर्वांनाच…”; देवेंद्र फडणवीसांनी दिला आठवणींना उजाळा
लता मंगेशकर पुरस्कार वितरण सोहळा

गानसम्राज्ञी लता मंगेशकर पुरस्कार २०२० व २०२१ वितरण समारंभ मुंबईत पार पडला. यावेळी गायिका उषा मंगेशकर आणि बासुरी वादक पंडित हरिप्रसाद चौरसिया यांना या पुरस्काराने सन्मानित करण्यात आलं. मुख्यमंत्री एकनाथ शिंदे, उपमुख्यमंत्री देवेंद्र फडणवीस, मंत्री राधाकृष्ण विखे-पाटील, मंत्री उदय सामंत, मंत्री दीपक केसरकर या समारंभाला उपस्थित होते.

यावेळी बोलताना मुख्यमंत्री एकनाथ शिंदे म्हणाले की, “लतादीदींच्या गळ्यात ‘सरस्वती’चा वास होता. मराठी मातीत जन्मलेल्या लतादीदी या भारत देशाच्या रत्न झाल्या, ही आपल्या महाराष्ट्रासाठी अभिमानाची बाब आहे. लता मंगेशकर संगीत महाविद्यालयाचे उद्घाटन पार पडलं आहे. त्याच्या कामात काही अडथळे आले होते. मात्र, देवेंद्र फडणवीस आणि मी अडथळे पार करण्याची शर्यत आम्ही जिंकत चाललो आहोत. त्यामुळे कोणतेही अडथळे आता महाविद्यालयाच्या कामात येणार नाही,” असेही मुख्यमंत्री शिंदे यांनी सांगितलं.

हेही वाचा – रामजन्मभूमी पूजन झाल्यावर लता मंगेशकरांनी मला फोन केला होता – नरेंद्र मोदी

तर, उपमुख्यमंत्री देवेंद्र फडणवीस यांनी म्हटलं की, “करोनात वाईट सर्वांना पाहावे लागले. मात्र, करोनाचे एका गोष्टीसाठी आभार मानेल, कारण पुरस्काराचे वितरण झालं नाही. त्यामुळे एवढ्या महान व्यक्तींना पुरस्कार देण्याचं भाग्य मला आणि एकनाथ शिंदे यांना मिळालं. लतादीदी आणि आशाताईंसोबत उषाताईंनी आपला ठसा उमटवला. लोकांना त्यांचा आवाज भावला.”

हेही वाचा – अयोध्येतील चौकाला लता मंगेशकर यांचं नाव, ४० फुटी वीणेचं पंतप्रधानांच्या हस्ते उद्घाटन!

“लतादीदींचं सर्व अनमोल आहे”

“मुख्यमंत्री एकनाथ शिंदे यांच्या पुढाकाराने लता मंगेशकरांच्या नावाने आंतराष्ट्रीय संगीत विद्यालयाची सुरुवात करण्यात आली आहे. अतिशय सुंदर आणि आधुनिक अशी इमारत बांधण्यात येणार आहे. लतादीदींचं सर्व अनमोल आहे, त्याच मोल होऊ शकणार नाही. काही अडथळे आले होते, ते मुख्यमंत्र्यांनी दूर केले आहेत. सर्व संगीताच्या प्रकाराचे या महाविद्यालयाच्या माध्यमातून शिक्षण दिलं जाणार आहे. पहिले पंतप्रधान पंडित जवाहरलाल नेहरुंना आनंद देऊन त्यांच्या डोळ्यात अश्रू पाहणाऱ्या दीदी होत्या. तर, पंतप्रधान नरेंद्र मोदींना भूरळ घालणाऱ्या सुद्धा दीदी होत्या. दीदींचा हा प्रवास अतिशय थक्क करणारा आहे. त्यांच्यामध्ये ईश्वराचा अंश होता,” असंही देवेंद्र फडणवीस यांनी म्हटलं आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बच्चू कडूंनी कानशिलात मारल्याचा व्हिडीओ व्हायरल, कार्यकर्ता म्हणाला, “नेता आणि…”

संबंधित बातम्या

‘नेभळट सरकार’ म्हणणाऱ्या उद्धव ठाकरेंना CM शिंदेंनी दिलं उत्तर, म्हणाले “मला आक्रमक, धाडसपणा शिकवू नका, ४० दिवस…”
विखे-राष्ट्रवादी संघर्षांच्या नगर जिल्ह्यात नव्याने ठिणग्या
कुराण, इस्लामचा संदर्भ देत सुषमा अंधारेंचा अब्दुल सत्तारांवर हल्लाबोल, म्हणाल्या “जर हिंदू असतील तर…”
“दादा तुम्हाला कुठून माईक खेचायला…”, पत्रकार परिषदेला पोहोचताच उद्धव ठाकरेंची अजित पवारांना विचारणा, जयंत पाटीलही लागले हसू
शिंदे सेना -भाजपा युतीने लातूरमध्ये लाभापेक्षा तापच अधिक

व्हिडिओ

ताज्या बातम्या
“कोण म्हणतं माझे चित्रपट ओटीटीवर…” नवाजुद्दीन सिद्दिकीने दिला अफवांना पूर्णविराम
सांगली : तब्बल ३२२१ पुस्तकांचा वापर करत साकारली डॉ. बाबासाहेब आंबेडकर यांची भव्य प्रतिमा
FIFA World Cup 2022 मध्ये दीपिका पदुकोणकडे महत्त्वाची जबाबदारी, पहिल्यांदाच भारतीय अभिनेत्रीला मिळालाय हा सन्मान!
मुंबई : जॉन्सन कंपनीविरोधातील दोन्ही प्रकरणांची सुनावणी एकत्रित घेण्याची मागणी
“…म्हणून महाराष्ट्र तोडण्याचा प्रयत्न होत आहे”, चैत्यभूमीवरुन संजय राऊतांचं मोठं विधान, आंबेडकरांसह प्रबोधनकारांचाही केला उल्लेख