naresh maske replied to samana rokhthok editorial alligation on cm eknath shinde spb 94 | Loksatta

“एकनाथ शिंदेंनी आनंद दिघेंची प्रतिमा चुकीच्या पद्धतीने रंगवली”; शिवसेनेच्या टीकेला नरेश म्हस्केंचे प्रत्युत्तर, म्हणाले…

एकनाथ शिंदे यांनी आनंद दिघे यांची प्रतिमा चुकीच्या पद्धतीने रंगवली, असा आरोप ‘रोखठोक’मधून करण्यात आला होता. त्याला आता ठाण्याचे माजी महापौर नरेश मस्के यांनी प्रत्युत्तर दिलं आहे.

“एकनाथ शिंदेंनी आनंद दिघेंची प्रतिमा चुकीच्या पद्धतीने रंगवली”; शिवसेनेच्या टीकेला नरेश म्हस्केंचे प्रत्युत्तर, म्हणाले…
संग्रहित

शिवसेनेचे मुखपत्र असलेल्या ‘सामना’ या वृत्तपत्रातील ‘रोखठोक’ या सदरातून आज मुख्यमंत्री एकनाथ शिंदे यांच्यावर घणाघाती टीका करण्यात आली होती. एकनाथ शिंदे यांनी आनंद दिघे यांची प्रतिमा चुकीच्या पद्धतीने रंगवली, असा आरोप ‘रोखठोक’मधून करण्यात आला होता. त्याला आता ठाण्याचे माजी महापौर नरेश मस्के यांनी प्रत्युत्तर दिलं आहे.

हेही वाचा – “तुम्ही मला आता साधू बनवता का?”; मनसे अध्यक्ष राज ठाकरेंचा कार्यकर्त्यांना सवाल

काय म्हणाले नरेश मस्के?

“एकनाथ शिंदे यांनी ते आनंद दिघेंचे प्रतिरूप आहे, असे कधीच म्हटले नाही त्यांच्या विचारांचा वारसा ते पुढे घेऊन जात आहेत. मुळात सामना आज कोणीही वाचत नाही. शिवसैनिक देखील सामना वाचत नाही. आधीचे सामनवीर आता जेलमध्ये आहेत. त्यामुळे आताचे सामनावीर फक्त सामना वाचत असतील, पत्रकारांच्या बातम्यांमुळे दिघे साहेबांवर टाडा लावण्यात आला होता. यांचा आधी त्यांनी अभ्यास करायला हवा, वेळ आली तर आम्ही पुराव्यानिशी या गोष्टी सादर करून”, असे प्रत्युत्तर नरेश मस्के यांनी दिले आहे.

“एकनाथ शिंदे हे आनंद दिघेंच्या जवळचे होते का? याचा खुसाला राजन विचारे करतील असे सामनातून सांगण्यात आले होते. त्यालाही मस्के यांनी प्रत्युत्तर दिले. ”राजन विचारे यांनी अवश्य खुसाला करावा. मात्र, अवघ्या महाराष्ट्राला माहिती आहे की एकनाथ शिंदे हे आनंद दिघेंच्या किती जवळचे होते.” असे ते म्हणाले.

हेही वाचा – वरळीतील शिवसैनिकांच्या शिंदे गटात प्रवेशानंतर शिवसेनेकडून पहिली प्रतिक्रिया, पेडणेकर म्हणाल्या “आम्हालाही बघायचंय आकाशातील…”

सामनातून करण्यात आली होती टीका –

“एकनाथ शिंदे यांनी आनंद दिघे यांची प्रतिमा चुकीच्या पद्धतीने रंगवली आहे. उद्धव ठाकरे यांनी काँग्रेस-राष्ट्रवादीबरोबर आघाडी केल्याने शिवसेना मूळ विचारापासून दूर गेली. बाळासाहेब ठाकरे किंवा आनंद दिघे यांना हे मान्य झाले नसते अशी थाप हे लोक मारत आहेत. मुळात शिवसेनेचे एक अष्टप्रधान मंडळ होते. शिवसेनाप्रमुख या अष्टप्रधान मंडळाशी चर्चा करून निर्णय घेत असत. या अष्टप्रधान मंडळात व निर्णय प्रक्रियेत आनंद दिघे नव्हते. तसेच आनंद दिघे यांना ‘टाडा’तून जामीन मिळावा यासाठी त्यांच्या काँग्रेसमधील चाहत्यांनी प्रयत्न केले. एके दिवशी पहाटे 4 वाजता यासंदर्भात मुख्यमंत्री महोदयांनी ‘वर्षा’वर बैठक बोलावली. काही सूचना दिल्या व दिघे यांच्या सुटकेचा मार्ग मोकळा केला”, अशी टीका ‘सामना’तून करण्यात आली होती.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“…म्हणून मुख्यमंत्री एकनाथ शिंदेंच्या जीवाला धोका”, मंत्री दीपक केसरकरांचं वक्तव्य

संबंधित बातम्या

राज ठाकरेंच्या कोकण दौऱ्याचा कार्यकर्त्यांना नव्हता थांगपत्ता; सिंधुदुर्ग जिल्ह्याची मनसे कार्यकारिणी बरखास्त
“सुषमा अंधारेंच्या मेंदुला…” राज ठाकरेंवरील टीकेला प्रत्युत्तर देताना मनसे नेत्याची जीभ घसरली!
VIDEO: राऊतांना प्रत्युत्तर देताना संजय गायकवाडांची जीभ घसरली, शिवी देत म्हणाले, “*** तू यापुढे…”
“बाबासाहेब पुरंदरेंच्या विकृत व अनैतिहासिक मांडणीवर…”, राज ठाकरेंच्या भेटीनंतर जयसिंगराव पवारांचा मोठा खुलासा
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान

व्हिडिओ

ताज्या बातम्या
“महाराष्ट्राच्या दोन मंत्र्यांनी बेळगावला येणं अनुकूल नाही”, कर्नाटकचे मुख्यमंत्री बोम्मईंचा इशारा
पोलीस उपनिरीक्षक विभागीय मर्यादित स्पर्धा परीक्षेची निवड यादी जाहीर; यंदा डिजिटल तंत्रज्ञानाच्या साहाय्याने शारीरिक चाचणी
‘मुंबईतील जुन्या इमारतींच्या पुनर्विकासाच्या निर्णयाला जाणीवपूर्वक उशीर’; शिवसेना खासदार अरविंद सावंत यांचा आरोप
विजय दिवस सोहळ्यात यंदा भरगच्च कार्यक्रम; रौप्यमहोत्सवानिमित्त संरक्षणमंत्री राजनाथ सिंह, शरद पवार यांना निमंत्रण
FIFA WC 2022: मोक्याच्या क्षणी ह्वांग ही चॅन चा गोल! द. कोरिया बाद फेरीत दाखल, मात्र जिंकूनही उरुग्वे विश्वचषकातून बाहेर