cirkus actor ranveer singh push sidhardh jadhav funny video goes viral | Loksatta

रणवीर सिंगने सर्वांसमोर सिद्धार्थ जाधवला धक्का दिला अन्… पुढे काय घडलं? पाहा व्हिडीओ

सध्या ‘सर्कस’ चित्रपटाचं जोरदार प्रमोशन सुरू असून यादरम्यानचा सिद्धार्थ- रणवीरचा एक व्हिडीओ सोशल मीडियावर व्हायरल होताना दिसत आहे

रणवीर सिंगने सर्वांसमोर सिद्धार्थ जाधवला धक्का दिला अन्… पुढे काय घडलं? पाहा व्हिडीओ
या व्हिडीओमध्ये रणवीर सिंग मागून येऊन सिद्धार्थ जाधवला धक्का देताना दिसत आहे.

बॉलिवूड अभिनेता रणवीर सिंग आणि सिद्धार्थ जाधव सध्या त्यांच्या ‘सर्कस’ चित्रपटामुळे सोशल मीडियावर जोरदार चर्चेत आहेत. या दोघांमधील मैत्री तर सर्वांनाच माहीत आहे. सिद्धार्थ आणि रणवीर यांनी रोहित शेट्टीच्या ‘सिम्बा’ या चित्रपटात एकत्र काम केलं होतं. त्यानंतर आता ते पुन्हा एकदा ‘सर्कस’मध्ये एकत्र दिसणार आहेत. सध्या या चित्रपटाचं प्रमोशन सुरू असून यादरम्यानचा सिद्धार्थ- रणवीरचा एक व्हिडीओ सोशल मीडियावर व्हायरल होताना दिसत आहे.

रणवीर सिंगसह ‘सर्कस’ची संपूर्ण टीम सध्या चित्रपटाच्या प्रमोशनमध्ये बिझी आहे. नुकतीच या चित्रपटाच्या संपूर्ण टीमने ट्रेलर लॉन्च सोहळ्याला हजेरी लावली होती. त्यावेळचे बरेच व्हिडीओ सोशल मीडियावर व्हायरल होताना दिसत आहेत. पण या सगळ्यात सिद्धार्थ- रणवीरच्या एका व्हिडीओने सर्वांचं लक्ष वेधून घेतलं आहे. या व्हिडीओमध्ये रणवीर सिंग मागून येऊन सिद्धार्थ जाधवला धक्का देताना दिसत आहे.

आणखी वाचा-‘आमच्यात एक साम्य आहे, ते म्हणजे आम्ही दोघेही…’ सिद्धार्थने सांगितला रणवीर सिंगचा ‘तो’ किस्सा

सोशल मीडियावर व्हायरल झालेल्या या व्हिडीओमध्ये सिद्धार्थ जाधव पुढे चालताना दिसत आहे. याच व्हिडीओमध्ये रणवीर सिंग त्याच्या मागून येतो. सिद्धार्थ तिथेच कोणाशीतरी बोलत असताना मागून आलेला रणवीर त्याला धक्का मारतो आणि त्यानंतर दोघंही एकमेकांशी हसत हसत गळाभेट घेताना दिसतात. अर्थात सिद्धार्थ आणि रणवीरमधील मैत्री आणि बॉन्डिंग खास असल्याने दोघंही अनेकदा एकामेकांशी अशाप्रकारे मस्ती करताना दिसतात. या व्हिडीओवर नेटकऱ्यांनीही धम्माल कमेंट्स केल्या आहेत.

दरम्यान रोहित शेट्टी दिग्दर्शित ‘सर्कस’ हा चित्रपट २३ डिसेंबरला देशभरात प्रदर्शित होणार आहे. ‘सर्कस’मध्ये रणवीर सिंगबरोबर जॉनी लिव्हर, संजय मिश्रा, जॅकलिन फर्नांडिस, पूजा हेगडे, सिद्धार्थ जाधव, वरुण शर्मा, विजय पाटकर, सुलभा आर्या, टिकू तलसानिया, वृजेश हिरजी, अश्विनी काळसेकर आणि मुरली शर्मा यांच्याही प्रमुख भूमिका आहेत.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 03-12-2022 at 12:00 IST
Next Story
करण जोहरचा बायोपिक येणार? ‘या’ अभिनेत्याने भूमिका साकारण्याची व्यक्त केली इच्छा