आर्टिफिशियल इंटेलिजेन्स म्हणजेच एआय (AI) हा शब्द आपल्या सर्वांना परिचयाचा झाला आहे. एआय (AI) तंत्रज्ञानाचा वापर करून अलीकडे भन्नाट प्रयोग केले जातात. म्हातारपणी आपण कसे दिसू? ते जगाचा शेवट होईल तेव्हा माणसाचे रूप कसे असेल, अशा सगळ्या प्रकारचे फोटो एआयच्या (AI) माध्यमातून बनवता येतात.
मध्यंतरी एका भारतीय तरुणाने AI च्या सहाय्याने बॉलिवूड अभिनेते आणि अभिनेत्रींचे म्हातारपणीचे फोटो व्हायरल झाले होते. आता हॉलिवूडच्या अभिनेत्रींचेसुद्धा फोटो व्हायरल होत आहे. फरक फक्त इतकाच आहे की या फोटोजमध्ये या हॉलिवूड अभिनेत्री या भारतीय पोषाखात आणि आध्यात्मिक जीवनात मग्न असलेल्या आपल्याला पाहायला मिळत आहेत.
आणखी वाचा : बॉलिवूड अभिनेत्रींच्या म्हातारपणीचे AI ने तयार केलेले फोटो व्हायरल; दीपिका पदूकोणला पाहून घाबरले नेटकरी
स्कारलेट जॉनसन, एमीलीया क्लार्क, सलमा हायक, नताली पोर्टमॅन, जेनिफर लॉरेन्स, जेनिफर अॅनिस्टन, चार्लीझ थेरॉन, अँजेलिना जोली आणि एम्मा वॉटसन या आघाडीच्या अभिनेत्रींचे हे फोटो सध्या सोशल मीडियावर प्रचंड व्हायरल होत आहेत. ‘वाइल्ड ट्रान्स’ या इंस्टाग्राम अकाऊंटवर हे फोटोज शेअर करण्यात आले आहेत.
या फोटोमध्ये या अभिनेत्रींनी भगव्या रंगाची वस्त्र किंवा साडी परिधान केली आहे, कपाळावर टिकली, हातात बांगड्या, कानात दागिने, गळ्यात रुद्राक्षाच्या माळा आपल्याला पाहायला मिळत आहेत. काही अभिनेत्री तर आपल्याला संन्याशीच वाटत आहेत. लोकांना ही कल्पकता फारच आवडली असून त्याचं कौतुक केलं आहे.