Dont block projects percentage Devendra Fadnavis Officials people representatives development ysh 95 | Loksatta

टक्केवारीसाठी प्रकल्पांची अडवणूक नको!; देवेंद्र फडणवीस यांनी खडसावले; अधिकारी, लोकप्रतिनिधींनी विकासाचे ध्येय ठेवणे आवश्यक

विकासाच्या मार्गात कोणालाही अडथळा आणू देणार नाही. टक्केवारीसाठी प्रकल्पांची अडवणूक खपवून घेतली जाणार नाही, असे उपमुख्यमंत्री देवेंद्र फडणवीस यांनी शुक्रवारी खडसावले.

टक्केवारीसाठी प्रकल्पांची अडवणूक नको!; देवेंद्र फडणवीस यांनी खडसावले; अधिकारी, लोकप्रतिनिधींनी विकासाचे ध्येय ठेवणे आवश्यक
उपमुख्यमंत्री देवेंद्र फडणवीस (संग्रहित छायाचित्र)

मुंबई : विकासाच्या मार्गात कोणालाही अडथळा आणू देणार नाही. टक्केवारीसाठी प्रकल्पांची अडवणूक खपवून घेतली जाणार नाही, असे उपमुख्यमंत्री देवेंद्र फडणवीस यांनी शुक्रवारी खडसावले. प्रकल्पांमध्ये लोकप्रतिनिधी अडथळे आणत असतील, तर मुख्यमंत्र्यांकडे तक्रार करावी आणि अधिकारी अडथळे आणत असतील, तर लोकप्रतिनिधींच्या निदर्शनास आणावे. अधिकारी व लोकप्रतिनिधींनी विकासाचे ध्येय ठेवून काम केले पाहिजे, असे त्यांनी स्पष्ट केले, तर स्वच्छ, सुंदर आणि कचरामुक्त शहरे लोकचळवळ व्हावी, अशी अपेक्षा मुख्यमंत्री एकनाथ शिंदे यांनी व्यक्त केली.

स्वच्छ महाराष्ट्र अभियानाच्या दुसऱ्या टप्प्याचे उद्घाटन मुख्यमंत्री एकनाथ शिंदे आणि उपमुख्यमंत्री फडणवीस यांच्या हस्ते यशवंतराव चव्हाण केंद्र येथील कार्यक्रमात करण्यात आले.  यावेळी फडणवीस म्हणाले, आपल्याला दोन वर्षांत बदल करून दाखवायचा आहे. चांगल्या कामाव्यतिरिक्त आम्हाला कुठल्याही अपेक्षा नाहीत. विकासाला प्राधान्य असून त्यातून रोजगार निर्मिती होईल व नवीन तंत्रज्ञानाला वाव मिळेल. राज्यात शहरीकरण वेगाने होत असून ते आपण थांबवू शकत नाही. सुनियोजित शहरांसाठी धोरण नसल्याने शहरे बकाल झाली. पिण्याचे पाणी, कचरा व सांडपाणी विषयक प्रश्न निर्माण झाले. त्यामुळे पंतप्रधान नरेंद्र मोदी यांनी स्वच्छ भारत अभियान सुरू केले. महाराष्ट्र २०१७ मध्ये हागणदारी मुक्त झाला आहे. स्वच्छ राज्यांच्या क्रमवारीत महाराष्ट्राला २०१८ मध्ये पहिला क्रमांक मिळाला आहे.

आता छोटय़ा शहरांचाही समावेश या योजनेत झाल्याने राज्यातील ५१२ शहरांसाठी पुरेसा निधी आहे. त्यात खासगी गुंतवणूकही आणली जात असून नागपूरला प्रयोग केला आहे. सांडपाण्यावर  प्रक्रिया करून वीज निर्मिती केली आहे, असे फडणवीस यांनी नमूद केले.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
स्वच्छ, सुंदर, कचरामुक्त शहरे लोकचळवळ व्हावी; मुख्यमंत्री एकनाथ शिंदे यांची अपेक्षा

संबंधित बातम्या

“आमच्यामध्ये काय हिंमत आहे हे संजय राऊतांना किमान…”; शंभूराज देसाईंनी दिलं प्रत्युत्तर!
मुंबईत ३ ते १७ डिसेंबर दरम्यान जमावबंदीचे आदेश? सहपोलीस आयुक्त विश्वास नांगरे-पाटील म्हणाले, “कलम १४४ चे निर्देश…”
चर्चा सकारात्मक!; प्रकाश आंबेडकर यांच्या भेटीनंतर उद्धव ठाकरे यांचा दावा
प्रफुल्ल पटेल यांच्याशी संबंधित मालमत्तेवर टाच ; वरळीतील सीजे हाऊसच्या चार मजल्यांवर ‘ईडी’ची कारवाई
पुनर्विकास प्रकल्प ‘महारेरा’बाहेरच! ; संरक्षण देण्यास नकार; अपिलेट प्राधिकरणाचेही शिक्कामोर्तब

व्हिडिओ

ताज्या बातम्या
पुणे: पुण्याला शेती क्षेत्राचे पाणी द्या; महापालिकेची जलसंपदा विभागाकडे मागणी
“माझ्या आयुष्यात आता…” लग्नाच्या प्रश्नावर कार्तिक आर्यनचं हटके उत्तर
विश्लेषण: इराणने ‘मोरॅलिटी पोलीस’ अचानक बरखास्त करण्याचे कारण काय? हे बदलाचे लक्षण आहे की धूळफेक?
पुणे : नृत्याच्या क्षेत्रातील कामाचे लेखनाद्वारे दस्तऐवजीकरण; डॉ. सुचेता भिडे-चापेकर यांचे अमृतमहोत्सवी वर्षांत पदार्पण
महापरिनिर्वाण दिनी गौरव मोरेची खास पोस्ट, डॉ. बाबासाहेब आंबेडकरांचा फोटो शेअर करत म्हणाला…