Photos: मराठमोळ्या अभिनेत्रीची ऑस्ट्रेलिया सफर; फोटोंची सोशल मीडियावर चर्चा

कलर्स मराठीवरील 'जीव झाला येडापिसा' या मालिकेतून घराघरात पोहोचलेली अभिनेत्री विदुला चौगुले सोशल मीडियावर चर्चेत आहे. अभिनयासोबतच विदुलाला भटकंतीची फार आवड आहे. विदुला सध्या ऑस्ट्रेलियात मनसोक्त फिरण्याचा आनंद लुटतेय. विशेष म्हणजे यावेळीदेखील विदुला चाहत्यांच्या संपर्कात राहण्याचा पूरेपुर प्रयत्न करत आहे. ऑस्ट्रेलियातील वेगवेगळ्या ठिकाणाचे फोटो विदुला सोशल मिडियावर शेअर करत आहे. ऑस्ट्रेलिया या देशातल्या वातावरणात आणि भौगोलिकतेमध्ये भारतासारखीच विविधता आहे. निसर्गाची उधळण अगदी मनसोक्त अशीच आहे. येथे हिमप्रदेश आहे, वाळवंट आहे, समुद्रकिनारे आहेत आणि रेन फॉरेस्टदेखील आहे. ऑस्ट्रेलियात बहुतांश पर्यटनाचा ओघ हा सिडनी, मेलबर्न या भोवतीच आहे. ऑस्ट्रेलियातील डोंगररांगा या ऑस्ट्रेलियन आल्प्स म्हणून ओळखल्या जातात. ऑस्ट्रेलिया बेट असल्यामुळे तेथे समुद्री जैववैविध्य आहे. विदुलाच्या या फोटोंवर चाहत्यांनी लाइक्स व कमेंट्सचा पाऊस पाडला आहे. (सर्व फोटो सौजन्य : विदुला चौगुले / इन्स्टाग्राम)