Photos: आलिशान गाडी घेतल्यानंतर ‘महाराष्ट्राची हास्यजत्रा’ फेम अभिनेत्याने बांधला बंगला, पाहा फोटो

'महाराष्ट्राची हास्यजत्रा' कार्यक्रमातील अभिनेत्री शिवाली परबने काही दिवसांपूर्वी तिच्या हक्काच्या घरात गृहप्रवेश केला. त्यानंतर 'महाराष्ट्राची हास्यजत्रा'मधील अभिनेत्याने चाहत्यांना आनंदाची बातमी दिली. (फोटो सौजन्य - शिवाली परब इन्स्टाग्राम) 'महाराष्ट्राची हास्यजत्रा'मधून घराघरात पोहोचलेला अभिनेता प्रथमेश शिवलकरने त्याच्या गावी बंगला बांधला आहे. ज्याचे फोटो सध्या चांगलेच चर्चेत आले आहेत. (फोटो सौजन्य - प्रथमेश शिवलकर इन्स्टाग्राम) गेल्या महिन्यात प्रथमेशने आलिशान गाडी खरेदी करून त्याचं स्वप्न पूर्ण केलं होतं. प्रथमेशने महिंद्रा थार घेतली होती. त्यानंतर त्याने त्याचं आणखी एक स्वप्न पूर्ण केलं आहे. (फोटो सौजन्य - प्रथमेश शिवलकर इन्स्टाग्राम) आलिशान गाडीनंतर प्रथमेश शिवलकरने गावाकडे हक्काचा बंगला बांधला आहे. ‘शिवार्पण’ असं त्याच्या स्वप्नातल्या बंगल्याचं नावं आहे. (फोटो सौजन्य - प्रथमेश शिवलकर इन्स्टाग्राम) गावातल्या बंगल्याचे फोटो शेअर करत प्रथमेश लिहिलं, “याचसाठी केला होता अट्टाहास भाग २: ‘शिवार्पण’…शहरापासून दूर हक्काची एक वास्तू असावी; जिथे निर्मळ शांतता अनुभवता यावी…मातीच्या सुगंधाने दरवळत रहावा तिथला प्रत्येक क्षण; अशीच स्वप्नातली वास्तू झाली साकार, नाव तिचं ‘शिवार्पण’…" (फोटो सौजन्य - प्रथमेश शिवलकर इन्स्टाग्राम) पुढे अभिनेत्याने लिहिलं, "ज्या वास्तुत आपण लहानाचे मोठे होतो, त्या वास्तुला जेव्हा मोठं करण्याची संधी आपल्याला मिळते…तेव्हा त्या वास्तुचे ऋण फेडण्याचा केलेला छोटा प्रयत्न म्हणजे ‘शिवार्पण’…हक्काचं शेतघर…याचसाठी केला होता अट्टाहास सीरिज टू बी कंटिन्यू." (फोटो सौजन्य - प्रथमेश शिवलकर इन्स्टाग्राम) प्रथमेश शिवलकरचा बंगला पाहून कलाकार मंडळींसह चाहत्यांनी त्याच्यावर शुभेच्छांचा वर्षाव केला आहे. (फोटो सौजन्य - प्रथमेश शिवलकर इन्स्टाग्राम) अभिनेत्री वनिता खरात, पृथ्वीक प्रताप, अक्षया नाईक, कुंजिका काळविंट अशा अनेक कलाकारांनी प्रथमेशला शुभेच्छा दिल्या आहेत. (फोटो सौजन्य - प्रथमेश शिवलकर इन्स्टाग्राम) “अभिनंदन दादा”, “भावा मेहनतीचं फळ”, “अभिनंदन मराठी मुलं अशीच मोठी व्हावीत”, “खूप मस्त आहे घर”, अशा अनेक प्रतिक्रिया प्रथमेशच्या चाहत्यांनी दिल्या आहेत. (फोटो सौजन्य - प्रथमेश शिवलकर इन्स्टाग्राम)