तुळशीचं लग्न! ‘या’ लोकप्रिय अभिनेत्रीने रेश्मा शिंदेला दिवाळीनिमित्त दिलं खास गिफ्ट, गळ्यातील सुंदर मंगळसूत्राने वेधलं लक्ष

1/9

अभिनेत्री रेश्मा शिंदेने यंदा लग्नानंतरची पहिली दिवाळी साजरी केली. यासाठी ती खास सासरी गेली होती, याचे फोटोही सोशल मीडियावर व्हायरल झाले होते.

2/9

आता रेश्माने घरी पार पडलेल्या तुळशी विवाह सोहळ्याची झलक चाहत्यांना फोटोंच्या माध्यमातून दाखवली आहे.

3/9

“आमच्या तुळशीचं लग्न…भक्तीचा सण, प्रेमाचा आरंभ आणि शुभत्वाचं प्रतीक. तुळशीविवाहाच्या शुभप्रसंगी सर्वांना मंगलमय शुभेच्छा!” असं कॅप्शन रेश्माने या फोटोंना दिलं आहे.

4/9

रेश्माने तुळशीच्या लग्नासाठी अबोली रंगाचा सुंदर ड्रेस घातला होता. या पारंपरिक लूकमध्ये अभिनेत्री फारच सुंदर दिसतेय.

5/9

तर, रेश्माचा पती पवनने गडद निळ्या रंगाचा सदरा घालून बायकोला कॉन्ट्रास्ट मॅचिंग केल्याचं पाहायला मिळत आहे. या दोघांनी यानिमित्ताने घरच्या घरी छान फोटोशूट केलं आहे.

6/9

रेश्माने तुळशी विवाहासाठी खास तयारी केली होती. यातील काही फोटोंमध्ये रेश्माच्या घरच्या दिवाळी कंदिलाची झलक देखील पाहायला मिळतेय.

7/9

हा सुंदर कंदील रेश्माला अभिनेत्री तितीक्षा तावडेने भेट दिला आहे. रेश्माने पोस्टच्या कॅप्शनमध्ये तितीक्षाला टॅग करत या सुंदर कंदिलासाठी तिचे आभार मानले आहेत.

8/9

तर रेश्माच्या गळ्यातील सुंदर मंगळसूत्राने सुद्धा सर्वांचं लक्ष वेधून घेतलं आहे.

9/9

रेश्माचं हे मंगळसूत्र ‘पालमोनास’ (Palmonas) या तिच्या स्वत:च्या ज्वेलरी ब्रँडचं आहे.