demand for extortion by threatening through loan app pune print news zws 70 | Loksatta

लोनॲपच्या माध्यमातून धमकावून खंडणीची मागणी ; सायबर पोलिसांची बंगळुरूमध्ये कारवाई;  नऊजण अटकेत

लोनॲपच्या विरोधातील वाढत्या तक्रारींची दखल घेऊन पोलीस आयुक्त अमिताभ गुप्ता यांनी कारवाईचे आदेश दिले होते.

लोनॲपच्या माध्यमातून धमकावून खंडणीची मागणी ; सायबर पोलिसांची बंगळुरूमध्ये कारवाई;  नऊजण अटकेत
प्रतिनिधिक छायाचित्र

पुणे : लोनॲपच्या माध्यमातून नागरिकांना धमकावण्याचे सत्र कायम आहे. एका महिलेला धमकावून तिच्याकडे एक लाख ११ हजार रुपयांची खंडणी मागितल्या प्रकरणी सायबर पाेलिसांनी बंगळुरूतून नऊजणांना अटक केली.

विघ्नेश मंजुनाथ, गणेश सुब्बारायडू, आकाश एम. व्ही., श्रद्धा सुधाकर गौडा, पार्वती संतोष दास, अश्विनी डी मुरुगन, शिल्पा सुभाष गौडा, प्रिया एस., दीपिका एल. (सर्व रा. बंगळुरू) अशी अटक केलेल्यांची नावे आहेत. त्यांच्याविरोधात सायबर पोलिस ठाण्यात खंडणी, फसवणूक, अब्रुनुकसानी, धमकावणे आणि माहिती-तंत्रज्ञान कायद्यानुसार गुन्हा दाखल करण्यात आला आहे. याबाबत एका ३०  वर्षीय महिलेने फिर्याद दिली आहे. 

तक्रारदार महिलेच्या मोबाइल क्रमांकावर आरोपींनी संपर्क साधून तिला लोनॲप डाऊनलोड करण्यास सांगितले होते. महिलेला कर्जाची गरज नव्हती. मात्र, आरोपींनी तिला लोनॲपच्या माध्यमातून कर्ज मंजूर करुन तिला व्याजासाठी धमकावण्यास सुरू केले. महिलेच्या छायाचित्रात फेरफार करुन समाजमाध्यमावर प्रसारित करण्याची धमकी देऊन तिच्याकडे एक लाख ११ हजार रुपयांची खंडणी मागितली. आरोपींनी महिलेच्या मोबाइलमधील माहिती चोरली होती. या माहितीचा गैरवापर करुन तिला धमकावण्यास सुरुवात केली. महिलेने पोलिसांकडे तक्रार दिल्यानंतर पोलिसांनी तपास सुरू केला. त्यानंतर बंगळुरूतून नऊ जणांना अटक करण्यात आली.

लोनॲप प्रकरणातील मोठी कारवाई

शहरातील एका तरुणाने लोनॲपच्या तगाद्यामुळे आत्महत्या केल्याची घटना नुकतीच घडली होती. लोनॲपच्या विरोधातील वाढत्या तक्रारींची दखल घेऊन पोलीस आयुक्त अमिताभ गुप्ता यांनी कारवाईचे आदेश दिले होते. पोलिसांनी लोनॲप प्रकरणात बंगळुरूतील नऊ जणांना अटक केली. पुणे पोलिसांनी लोनॲप प्रकरणात केलेली पहिली मोठी कारवाई आहे.

आरोपींकडे हजारो जणांचा विदा 

बंगळुरूतून अटक करण्यात आलेल्या आरोपींकडे अनेकांच्या मोबाइलमधील विदा (डाटा) सापडला आहे. आरोपींनी अनेकांना धमकावून त्यांच्याकडून खंडणी उकळल्याचा संशय पोलिसांना आहे. या प्रकरणाचा सखोल तपास करायचा असून न्यायालयाने आरोपींनी पोलीस कोठडी द्यावी, अशी विनंती सरकारी वकील ॲड. विजयसिंह जाधव यांनी युक्तीवादात केली. आरोपींना न्यायालयाने ९ ऑक्टोबरपर्यंत पोलीस कोठडीत ठेवण्याचे आदेश दिले.

बंगळुरूत कल सेंटर आरोपी बंगळुरूत कॉल सेंटर चालवत होते. लोनॲप डाऊनलोड करण्यास ते नागरिकांना सांगायचे. लोनॲप डाऊनलोड केल्यानंतर वैयक्तिक माहिती चोरून नागरिकांना धमकावत असल्याची माहिती तपासात मिळाली आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
अमली पदार्थ विरोधी पथकाकडून अफूच्या बोंडांचा चुरा जप्त ; राजस्थानातील दोघे अटकेत 

संबंधित बातम्या

“विक्रम गोखले तीन महिन्यांपूर्वी पोलीस ठाण्यात आले होते, तेव्हा…”, वरीष्ठ पोलीस निरीक्षकांनी सांगितली ‘ती’ आठवण!
बोपदेव घाटात दुचाकीस्वार तरुणावर गोळीबार; पुण्यात दोन दिवसात गोळीबाराच्या तीन घटना
ज्येष्ठ अभिनेते विक्रम गोखलेंच्या निधनाने राजकीय वर्तुळात शोक; मुख्यमंत्री, उपमुख्यमंत्र्यांसह इतर नेत्यांनी वाहिली श्रद्धांजली
तरुणींसाठी ‘बडी कॉप व्हॉट्स अ‍ॅप’ समूह
पुणे : ३० हजारांच्या कर्जावर मागितले एक लाख रुपये व्याज; बेकायदा सावकारी करणारा जेरबंद

व्हिडिओ

ताज्या बातम्या
VIDEO: “आपल्या ताई मोठ्या हुशार निघाल्या, त्यांनी मोदींना राखी बांधली आणि…”, उद्धव ठाकरेंचा भावना गवळींवर गंभीर आरोप
Video : भिंतीचा आधार घेत पार्टीतून बाहेर पडली सोहेल खानची पूर्वाश्रमीची पत्नी; नेटकरी म्हणाले, “धड चालताही…”
पैशांचा अपहार झालाय? चिंता करू नका, Cyber Fraud झाल्यावर या नंबरवर कॉल करा अन् पैसै वाचवा
“…तेव्हा तेव्हा विक्रमकाका तुमची उणीव भासत राहील” अमोल कोल्हे हळहळले
‘Squid Game’ या लोकप्रिय वेबसीरिजमधील अभिनेत्यावर लैंगिक शोषणाचा आरोप; पाच वर्षांपूर्वी घडलेला प्रकार आला समोर