Viral Photo Shows shopkeeper put board outside the shop : अनेकदा दुकानात गेल्यावर नक्की कोणत्या फ्लेवरचं चिप्स पाकीट घ्यायचं, हा प्रश्न आपल्यातील सगळ्यांनाच पडतो. दुकानात गेल्यावर स्टॅण्डवर लावून ठेवलेली किंवा दुकानात टांगून ठेवलेली चिप्सची पाकिटं पाहून कोणतं पाकीट विकत घ्यायचं हे तिथेच उभं राहून आपण ठरवायला सुरुवात करतो. अशा वेळी काही तापट स्वभावाचे दुकानदार आपल्याला ‘लवकर काय हवं ते सांग, मागे इतर ग्राहकसुद्धा उभे आहेत’, असेही म्हणतात. तर आज यावर उपाय म्हणून कोणताही संताप व्यक्त न करता, एका दुकानदारानं अजब मार्ग शोधून काढला आहे.
एक दुकानदार त्याच्या दुकानासमोर येणाऱ्या ग्राहकांमुळे कंटाळलेला दिसतो आहे. कारण- त्याच्या काही ग्राहकांचा नेमकं कोणतं चिप्सचे पॅकेट खरेदी करायचं हे ठरविताना गोंधळ होतो. त्यामुळे त्यानं हे प्रकरण मजेशीर पद्धतीनं हाताळायचं ठरवलं. त्यानं एका स्टॅण्डमध्ये लेस कंपनीची चिप्सची पाकिटं ठेवली आहेत आणि एक बोर्ड (Photo) चिकटवला आहे. बोर्डवर लेस कंपनीच्या चिप्सच्या वेगवेगळ्या चार पाकिटांचं चित्र आहे आणि मधोमध एक मजकूर लिहिला आहे. नक्की काय लिहिलं आहे ते या पोस्टमधून (Photo) तुम्हीसुद्धा नक्की बघा…
पोस्ट नक्की बघा…
कृपया घरूनच नीट विचार करून या :
व्हायरल पोस्टमध्ये तुम्ही पाहिलं असेल की, दुकानदाराने चिप्स स्टॅण्डच्या बाहेर बोर्ड ( Photo )लावला आहे, “दुकान पर खडे होके ‘कोनसा लेस लू’ ये सोचना मना है. कृपया अपने घर से सोच के आये- शर्मा जनरल स्टोअर” म्हणजेच “दुकानात उभं राहून ‘मी कोणतं लेसचं पाकीट घेऊ’ असा विचार करण्यास सक्त मनाई आहे. कृपया घरूनच नीट विचार करून या” – असे या पोस्टवर लिहिलं आहे. त्यामुळे दुकानदाराच्या या अनोख्या कल्पनेचं सोशल मीडियावर कौतुक होताना दिसत आहे.
सोशल मीडियावर ही पोस्ट (Photo) Reddit ॲपवरून @nishantatripathi या अकाउंटवरून शेअर करण्यात आली आहे. दुकानदाराच्या या विनोदी अन् कल्पकतेचं प्रदर्शन करणारी ही पोस्ट प्रचंड व्हायरल झाली आहे. त्यामुळे युजर्ससुद्धा मजेशीर प्रतिक्रिया व्यक्त करताना दिसत आहेत. एका युजरने कमेंट केली आहे, “मी आत्मविश्वासाने सांगू शकतो की, मी माझ्या करिअरची निवड करण्यापेक्षा लेस फ्लेवर निवडण्यात जास्त वेळ घालवला आहे.” दुसरा युजर म्हणतोय, “भारतीय दुकानदारांची त्यांच्या ग्राहकांशी संवाद साधण्याची स्टाईल.” तिसरा म्हणतोय की, ब्ल्यू, ग्रीन, डार्क ग्रीन लेस (चिप्स) पाकिटे विकत घेण्यात मी नेहमी गोंधळलेला असतो आदी कमेंट्स नेटकऱ्यांनी केल्या आहेत.
© IE Online Media Services (P) Ltd