Viral Video : भारत हा विविधतेने नटलेला देश आहे. देशाच्या प्रत्येक राज्यात आणि विविध राज्यातील विविध जिल्ह्यात वेगवेगळी संस्कृती जपणारे लोक दिसून येतात. महाराष्ट्राच्या विविध भागात वेगवेगळी संस्कृती दिसून येते. खाद्यपदार्थ, बोलीभाषा, नृत्य कला, परंपरा दिसून येतात. महाराष्ट्रातील सहा विभागांपैकी कोकण हा एक विभाग आहे. या विभागात एकूण सात जिल्ह्यांचा समावेश आहे. कोकण म्हणजे स्वर्ग होय.
निसर्ग सौंदर्याने नटलेली भूमी म्हणून कोकण ओळखले जाते. कोकणातील माणसं आणि येथील संस्कृती सुद्धा तितकीच लोकप्रिय आहे. सोशल मीडियावर कोकणातील संस्कृतीचे दर्शन घडवणारे अनेक व्हिडीओ सोशल मीडियावर व्हायरल होत असतात. सध्या असाच एक व्हिडीओ समोर आला आहे. या व्हिडीओमध्ये काही वृद्ध लोक कोकणी डान्स करताना दिसत आहे. त्यांचा डान्स पाहून तुम्हीही थक्क व्हाल. (An old people amazing kokani dance or balya dance or kokan traditional dance video viral on social media)
या व्हायरल व्हिडीओमध्ये तुम्हाला काही वृद्ध माणसं डान्स करताना दिसेल. त्यांनी एकसारखा पोशाख घातला आहे. डोक्यावर टोपी घातली आहे. प्रत्येकाने एका पायात घुंगरू बांधले आहे आणि घुंगरूच्या तालावर हे सर्व वृद्ध लोक कोकणी डान्स करत आहे. या डान्स प्रकाराला बाला डान्स म्हणतात. वृद्धांची ही ऊर्जा पाहून तुम्हीही थक्क व्हाल. व्हिडीओ पाहून तुम्हीही म्हणाल की कलेची आवड असावी तर अशी!
या व्हिडीओवर लिहिलेय, “कोकणची शान. ही आपली कोकणची कला आणि शान पुढे टिकवायची आहे”
पाहा व्हायरल व्हिडीओ (Watch Viral Video)
the_jaypawar या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “कानावर हे सूर ऐकल्यावर अंग थिरकलच पाहिजे..”
एका युजरने लिहिलेय, “वा! वय मर्यादा पलीकडे फक्त कलेची आवड असली पाहिजे.” तर एका युजरने लिहिलेय, “हे नृत्य जिथे झालं आहे ना ते माझं आजोळ आहे हे गाव. बाला डान्स (नृत्य)” आणखी एका युजरने लिहिलेय, “विचार करा या सगळ्यांनी तरुणपणात किती गाजवला असेल हा नाच..” एक युजर लिहितो, “कलेला वय नाही #_ कोकणकर ” तर एक युजर लिहितो, “कोकण म्हणजे प्रेमाचा महासागर, जसे त्या समुद्राच्या पाण्याचा अंदाज नाही येत, तसेच कोकणी माणसाचे प्रेम आहे, कला आणि संस्कृतीच्या उरात महासागर जपून ठेवलेली लोक म्हणजे कोकण” अनेक युजर्सनी या व्हिडीओवर हार्टचे इमोजी शेअर केले आहेत.
© IE Online Media Services (P) Ltd