Congress President Election: अध्यक्षपदाच्या उमेदवारीचा अर्ज भरल्यानंतर मल्लिकार्जुन खरगेंकडून विरोधी पक्षनेतेपदाचा राजीनामा | Congress President Election Mallikarjun Kharge resigns as Leader of Opposition in Rajya Sabha sgy 87 | Loksatta

Congress President Election: अध्यक्षपदासाठी उमेदवारी अर्ज भरल्यानंतर दुसऱ्याच दिवशी खरगेंचा मोठा निर्णय

काँग्रेस नेते मल्लिकार्जून खरगेंकडून राज्यसभेतील विरोधी पक्षनेतेपदाचा राजीनामा

Congress President Election: अध्यक्षपदासाठी उमेदवारी अर्ज भरल्यानंतर दुसऱ्याच दिवशी खरगेंचा मोठा निर्णय
काँग्रेस नेते मल्लिकार्जून खरगे(PTI)

काँग्रेस अध्यक्षपदाच्या निवडणुकीसाठी उमेदवारी अर्ज भरल्यानंतर काँग्रेस नेते मल्लिकार्जून खरगे यांनी शनिवारी राज्यसभेतील विरोधी पक्षनेतेपदाचा राजीनामा दिला आहे. इंडिया टुडेने सूत्रांच्या हवाल्याने हे वृत्त दिलं आहे. उदयपूरमध्ये झालेल्या ‘एक नेता, एक पद’ ठरावाचं पालन करत खरगे यांनी काँग्रेसच्या अध्यक्षा सोनिया गांधी यांच्याकडे राजीनामा पाठवला आहे. खरगे यांच्यानंतर विरोधी पक्षनेतेपदासाठी पी चिदंबरम आणि दिग्विजय सिंग यांची नावं चर्चेत आहेत.

काँग्रेस अध्यक्षपदासाठी मल्लिकार्जुन खरगे आणि शशी थरूर यांच्यात लढत होणार आहे. सोनिया गांधी यांनी खरगे यांच्या उमेदवारीला हिरवा कंदील दाखवला आहे, तसंच ‘जी-२३’ या बंडखोर गटातील नेत्यांनीही खरगे यांच्या नावाला पसंती दिली असल्याने तेच नवे पक्षाध्यक्ष होण्याची शक्यता आहे.

खरगे विरुद्ध थरूर लढत; काँग्रेस अध्यक्षपदासाठी दोघांचेही उमेदवारी अर्ज दाखल

अशोक गेहलोत यांनी माघार घेतल्यानंतर, गुरुवारी रात्री संघटना महासचिव के. सी. वेणुगोपाल आणि ए. के. अ‍ॅण्टनी यांनी सोनिया गांधी यांच्याशी सविस्तर चर्चा केली. त्यानंतर खरगे यांच्या उमेदवारीवर शिक्कामोर्तब करण्यात आलं. खरगेंच्या नावावर शिक्कामोर्तब होण्याआधी दिग्विजय सिंह यांनी खरगेंची भेट घेतली होती; पण आपण पक्षाध्यक्षपदासाठी उत्सुक नसल्याचे खरगेंनी सांगितलं होतं. मात्र, सोनिया गांधी यांनीच खरगेंच्या नावाला पाठिंबा दिल्यामुळे खरगे उमेदवारी अर्ज दाखल करण्यास तयार झाले.

‘जी-२३’ नेते ऐन वेळी खरगेंच्या मागे

काँग्रेस पक्षाध्यक्षपदाच्या निवडणुकीसाठी उमेदवारी अर्ज दाखल करण्यासाठी शशी थरूर शुक्रवारी वाजतगाजत पक्षाच्या मुख्यालयात आले; पण अर्ज भरताना ते एकटे पडल्याचे चित्र दिसले. उमेदवारी अर्ज दाखल करताना बंडखोर ‘जी-२३’ गटातील एकही सदस्य त्यांच्याबरोबर नव्हता. बंडखोर नेते ‘तटस्थ’ राहिलेल्या सोनिया गांधींचे उमेदवार खरगे यांच्या शेजारी उभे होते.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“हा SP कोण आहे?,” अशोक गहलोत यांच्या सोनिया गांधी भेटीमधील ‘तो’ कागद लीक, चर्चांना उधाण

संबंधित बातम्या

पाकिस्तानमध्ये राजकीय भूकंप, इम्रान खान यांच्या पक्षाचे सर्व मुख्यमंत्री, आमदार, खासदार राजीनामा देणार!
‘I Have Got News’, श्रद्धाचं शेवटचं चॅट आलं समोर, मृत्यूच्या काही तास आधीच मित्राला पाठवला होता मेसेज
विश्लेषण: खुद्द अमिताभ बच्चन यांचीही चिंता वाढवणारा ‘पर्सनॅलिटी राईट’ नेमका आहे तरी काय? बिग बींना का मागावी लागली कोर्टाकडे दाद?
UP Crime: कानपूरमध्ये शिक्षकाने गाठली क्रौर्याची सीमा, दोनचा पाढा विसरल्यानं विद्यार्थिनीच्या हातावर…
“कॉलेजियम पद्धत एलियन सारखी”, किरण रिजिजू यांचं पुन्हा टीकास्र; म्हणाले, “जर केवळ न्यायाधीशांनीच..”

व्हिडिओ

ताज्या बातम्या
पुणे: हर्षवर्धन पाटील यांच्या साखर कारखान्याच्या संचालकांना दिल्ली पोलिसांची नोटिस
वाढलेले युरिक अ‍ॅसिड ठरू शकते संधिवाताचे कारण, कमी करण्यासाठी करा ‘हा’ आयुर्वेदिक उपाय
जितेंद्र जोशीची विक्रम गोखलेंबद्दल भावूक पोस्ट; म्हणाला, “काका तू कायम राहणार आहेस…”
“तुम्हाला भाडेकरू हवाय की जावई?” बंगळुरूमध्ये घरमालकांचे अजब निकष, नेटिझन्समध्ये तुफान चर्चा!
हुरड्यापूर्वीच ज्वारीच्या कणसांचा पक्ष्यांकडून फडशा; शेतकरी चिंताग्रस्त, हुरडा पार्ट्यांवर परिणामाची शक्यता