“शाहरुखने अभिनयाचा मॉल उघडलाय आणि आम्ही…” रणवीर सिंगचं वक्तव्य चर्चेत

शाहरुख खानबाबत रणवीर सिंगने केलेलं वक्तव्य चर्चेत आहे.

ranveer singh, shahrukh khan, ranveer singh film, jayeshbha jordaar, shahrukh khan movies, रणवीर सिंग, शाहरुख खान, जयेशभाई जोरदार, रणवीर सिंग आगामी चित्रपट, रणवीर सिंग इन्स्टाग्राम
शाहरुख खान लवकरच 'पठाण' चित्रपटातून बॉलिवूड पुनरागमन करत आहे.

बॉलिवूड अभिनेता रणवीर सिंगचा ‘जयेशभाई जोरदार’ चित्रपट मागच्या आठवड्यात प्रदर्शित झाला. या चित्रपटामुळे रणवीर सिंग सध्या सोशल मीडियावर चर्चेत आहे. या चित्रपटाच्या प्रमोशनच्या वेळी अभिनेता शाहरुख खानचं बरंच कौतुक केलं होतं. शाहरुख खानमुळे हिंदी चित्रपटसृष्टीचं जगभरात नाव घेतलं जात असल्याचं एका मुलाखतीत रणवीरनं म्हटलं होतं. मागच्या ३ वर्षांपासून कोणत्याही चित्रपटात न दिसलेला शाहरुख खान लवकरच ‘पठाण’ चित्रपटातून बॉलिवूड पुनरागमन करत आहे. ज्यात रणवीरची पत्नी दीपिका पादुकोण मुख्य भूमिकेत आहे.

रणवीर सिंग अलिकडेच दिलेल्या एका मुलाखतीत म्हणाला, “शाहरुखला पुन्हा मोठ्या पडद्यावर पाहण्यासाठी मी खूपच उत्सुक आहे. तो या इंडस्ट्रीला पुढे घेऊन जाणार यात अजिबात शंका नाही. त्यामुळेच तो बॉलिवूडचा किंग आहे. शाहरुखने अभिनयाचा मॉल उभा केला आणि आम्ही तर त्यात स्वतःची छोटी- मोठी दुकानं चालवतोय.”

रणवीर सिंगच्या कामाबद्दल बोलायचं तर त्याचा ‘जयेशभाई जोरदार’ हा चित्रपट नुकताच प्रदर्शित झाला आहे. या चित्रपटात त्याच्यासोबत अभिनेत्री शालिनी पांडेय मुख्य भूमिकेत आहे. या चित्रपटाला प्रेक्षकांचा संमिश्र प्रतिसाद मिळताना दिसत आहे. याशिवाय आगामी काळात त्याच्याकडे बरेच चित्रपट आहेत. तर शाहरुख खान शेवटचा २०१८ मध्ये झिरो चित्रपटात दिसला होता. आगामी काळात त्याचा ‘पठाण’ चित्रपट प्रेक्षकांच्या भेटीला येणार आहे ज्यात दीपिका पादुकोण मुख्य भूमिकेत दिसणार आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ranveer singh talk about shah rukh khan says we are running our shop in the mall he has built mrj

Next Story
‘नाटकाचे ‘प्रयोग’ का म्हणतात?’; चाहत्याच्या प्रश्नावर प्रशांत दामलेनं दिलं भन्नाट उत्तर
फोटो गॅलरी