टीव्हीवरील संस्कारी सुनेची परदेशवारी, मोनोकिनीतील फोटो सोशल मीडियावर व्हायरल

शूटिंग शेड्यूलमधून वेळ काढून वर्षाच्या शेवटी ऐश्वर्या खरे तिच्या आवडत्या देशात म्हणजेच थायलंडला फिरायला गेली होती. समुद्रकिनारी शांततेत ऐश्वर्याने नवीन वर्षाचे स्वागत केले. मागील दोन वर्षात तिने बाली आणि सेशेल्ससारख्या ठिकाणी भेट दिली आहे. यावेळी ती थायलंडला सोलो ट्रिपसाठी गेली होती.

हेही वाचा – वीकेंडला पाहता येतील गुगलवर सर्वाधिक सर्च झालेले ‘हे’ १० चित्रपट, ओटीटीवर आहेत उपलब्ध

थायलंड ट्रिपबद्दल ऐश्वर्या म्हणाली, “नवीन वर्ष साजरे करण्यासाठी मी अखेर ब्रेक घेतला. वर्षभरात जे काही चांगलं आणि वाईट घडलं, त्याचा विचार केला. मला समुद्रकिनारे खूप आवडतात. त्यामुळे मी फिरायला एकटं जाण्यासाठी थायलंड हे ठिकाण निवडलं. थायलंड खूप छान होते. थायलंडच्या निर्मळ सौंदर्याने मला शांतता मिळाली. दररोज संध्याकाळी मी समुद्रकिनारी बसून सूर्यास्त पाहायचे. माझी सर्वात आवडती ट्रिप होती.”

पाहा पोस्ट –

ऐश्वर्याने तिच्या थायलंड ट्रिपमध्ये काय काय केलं ते सांगितलं. समुद्रात स्नॉर्कलिंग केली. तिथल्या विविध पदार्थांचा आस्वाद घेतला. निसर्ग सौंदर्य पाहिले आणि तिथे राहण्याचा अनुभव घेतला, असं ऐश्वर्या म्हणाली.

हेही वाचा – “खोटं बोलून, माझं नाव वापरून…”, अंकिता प्रभू वालावलकर भडकली; म्हणाली, “आमच्या लग्नासाठी…”

ऐश्वर्याने मोठ्या उत्साहात नवीन वर्षाची सुरुवात केली आहे. ऐश्वर्याने तिच्या थायलंड ट्रिपमधील अनेक सुंदर फोटो सोशल मीडियावर शेअर केले आहेत. मालिकेत नेहमी साडीत दिसणाऱ्या ऐश्वर्याचे मोनोकिनीतील फोटो पाहून चाहते लाइक्स व कमेंट्सचा वर्षाव करत आहेत. काही चाहत्यांनी ऐश्वर्याला नवीन वर्षाच्या शुभेच्छा दिल्या आहेत, तर अनेकांनी तिच्या फोटोंवर रेड हार्ट इमोजी कमेंट्स केल्या आहेत.

हेही वाचा – ९ वर्षे रखडला, ८ कलाकारांनी नाकारला अन् नंतर ब्लॉकबस्टर ठरला; तुम्ही पाहिलाय का ‘हा’ चित्रपट?

ऐश्वर्याने ‘ये शादी है या सौदा’ या मालिकेतून टीव्हीवर पदार्पण केले होते. नंतर ती ‘विषकन्या’ या मालिकेत झळकली होती. सध्या ती ‘भाग्य लक्ष्मी’मध्ये लक्ष्मीच्या भूमिकेत दिसत आहे.