Photos : ५६ वर्षाचा होऊनही दबंग सलमान खान आजही आहे तितकाच फिट; जाणून घ्या त्याच्या फिटनेसमागचं रहस्य

५६ वर्षाचा होऊनही आजही बॉलिवूडच्या भाईजान सलमानच्या फिटनेसपुढे कित्येक स्टार्स फिके पडतात. बॉडीबिल्डिंगचं वेड चित्रपटसृष्टीत संजय दत्तने आणलं आणि पुढे त्याचं स्टाइल स्टेटमेंट सलमान खानने केलं. आजही इंडस्ट्रीतील कित्येक अभिनेते हे सलमानकडून खास प्रशिक्षण घेतात. सलमान त्याच्या फिटनेसकडे खूप बारकाईने लक्ष देतो. आज आपण त्याच्या या फिटनेसमागचं रहस्य जाणून घेणार आहोत. सलमानचा फिटनेस ट्रेनर राकेश उदियार याने नुकतंच सलमानच्या या फिटनेसमागचं रहस्य आणि त्याच्या डायट प्लानबद्दल उलगडून सांगितलं आहे. राकेश सलमानबरोबर २०१० पासून काम करत आहे. सलमान सकाळी उठल्या उठल्या प्रथम कार्डियो करतो, आणि याची सवय त्याने त्याच्या तरुण वयातच लावून घेतली होती. कार्डियोनंतर सलमान एक तास वेट ट्रेनिंग करतो, ज्यामुळे त्याची बॉडी ही आणखीन पिळदार होते. याबरोबरच सलमान हायकिंग सेशनवरही बऱ्यापैकी जोर देतो. सलमान प्रत्येक व्यायाम प्रकाराचे ५ सेट्स आणि २० रिपीटेशन करतो. एवढं हेवी वर्कआऊट करत असला तरी आठवड्यातून एक दिवस सलमान शरीराला आरामही देतो. व्यायामाबरोबर सलमान त्याच्या आहाराचे नियमही काटेकोरपणे पाळतो. मीडिया रीपोर्टनुसार सलमान नाश्ता करताना अंड्याचा पांढरा भाग आणि लो फॅट असलेलं दूध घेतो. सलमानच्या दुपारच्या जेवणात ग्रील्ड व्हेजिटेबल्स, रोटी आणि सलाड यांचा समावेश असतो. याबरोबरच रात्री सलमान जास्त जेवण घेत नाही. मासे, सूप किंवा अंडी असा रात्रीचा हलका आहार सलमान घेणं पसंत करतो. व्यायाम आणि आहार योग्य प्रमाणात ठेवणारा सलमान स्वतःला कायम स्टीरॉईडसारख्या कृत्रिम गोष्टींपासून लांब ठेवतो. (फोटो सौजन्य : इंडियन एक्सप्रेस)