तुम्ही सिंदूर का लावता? माजी राष्ट्रपतींनी रेखा यांना विचारलेला प्रश्न; काय आहे तो किस्सा, घ्या जाणून

बॉलीवूडच्या सुपरस्टार रेखा यांचा आज ६९ वा वाढदिवस आहे. रेखा यांनी आपल्या कारकिर्दीत अनेक सुपरहिट चित्रपटांमध्ये काम केलं. कमी वयातच रेखा यांनी अभिनय करायला सुरुवात केली होती. अभिनयाबरोबर रेखा आपल्या सौदर्यांमुळेही नेहमी चर्चेत राहतात. वयाच्या ६९ व्या वर्षीही त्यांच सौदर्य सध्याच्या अघाडीच्या अभिनेंत्रीना मागे टाकतं ७० आणि ८० च्या दशकात अनेक कारणांनी रेखा यांचे नाव चर्चेत होते. आपल्या लूकमुळे त्या नेहमीच सगळ्यांच लक्ष वेधून घेतात. रेखा यांचा डोक्याला सिंदूर लावलेला लूक नेहमीच चर्चेत असतो. ऋषी कपूर आणि नीतू सिंग यांच्या लग्नात रेखा डोक्याला सिंदूर लावून आल्या होत्या. त्यांच्या या लूकमुळे अनेक चर्चांना उधाण आले होते. रेखांनी हिंदुस्तान टाईम्सला दिलेल्या मुलाखतीत या सिंदूरमागचं कारण सांगितलं होतं. त्या म्हणालेल्या की त्या चित्रपटाच्या शूटमधून थेट आल्या होत्या आणि सिंदूर काढायला विसरल्या होत्या. रेखा: द अनटोल्ड स्टोरी या पुस्तकात त्यांच्या या वादग्रस्त लूकचे अनेक उल्लेख आहेत. पुस्तकात म्हटले आहे की १९८२ च्या राष्ट्रीय पुरस्कारादरम्यान रेखा यांना सर्वोत्कृष्ट अभिनेत्रीच्या पुरस्काराने सन्मानित करण्यात आले कार्यक्रमादरम्यान भारताचे तत्कालीन राष्ट्रपती नीलम संजीव रेड्डी यांनी रेखांना तुम्ही सिंदूर का लावता? असा प्रश्न विचारला होता. सिंदूरच्या लुकबद्दल बोलताना रेखा म्हणालेल्या की, मला लोकांच्या प्रतिक्रियांची काळजी नाही. मला वाटते सिंदूर माझ्यावर छान दिसते. सिंदूर मला शोभते. आजही रेखा जेव्हा बाहेर जातात तेव्हा त्या कांजीवरम साडी, भारजरी दागिने आणि सिंदूर लावलेल्या लूकमध्ये दिसतात. (फोटो: एक्सप्रेस संग्रह)