रेश्मा शिंदेचं सासरचं घर पाहिलंत का? ‘असा’ पार पडला गृहप्रवेश, फोटो आले समोर

मराठी अभिनेत्री रेश्मा शिंदे नुकतीच विवाहबंधनात अडकली. तिच्या लग्नाचे अनेक फोटो व व्हिडीओ सध्या सोशल मीडियावर व्हायरल होत आहेत. आता अभिनेत्रीने नुकतेच तिच्या सासरच्या गृहप्रवेशाचे फोटो सोशल मीडियावर शेअर केले आहेत. रेश्मा शिंदेच्या सासरच्या घराची संपूर्ण झलक यामध्ये पाहायला मिळत आहे. लाडक्या सुनेच्या स्वागतासाठी पवनच्या घरच्यांनी खास तयारी केली होती. पवनच्या घरच्यांनी संपूर्ण घरात फुलांची सजावट करून बंगल्याला बाहेरून विद्युत रोषणाई केल्याचं रेश्माने शेअर केलेल्या फोटोंमध्ये पाहायला मिळत आहे. पवनच्या आईने यावेळी लाडक्या सुनेचं औक्षण केलं आणि त्यानंतर माप ओलांडून रेश्माने गृहप्रवेश केला. “गृहप्रवेश… पवनने माझा हात अगदी घट्ट पकडला होता” असं कॅप्शन अभिनेत्रीने या पोस्टला दिलं आहे. रेश्माच्या गृहप्रवेशाच्या फोटोंवर नेटकऱ्यांनी कौतुकाचा वर्षाव केला आहे. याशिवाय प्रतीक्षा मुणगेकर, विशाखा सुभेदार यांनी या पोस्टवर कमेंट करत रेश्माला वैवाहिक आयुष्यासाठी शुभेच्छा दिल्या आहेत. ( सर्व फोटो सौजन्य : रेश्मा शिंदे/ praj_291 इन्स्टाग्राम )