'झी मराठी'च्या पुरस्कार सोहळ्यात नायिकांचा वेगळा अंदाज; सुंदर लूकने वेधले लक्ष

'झी मराठी वाहिनी'चा पुरस्कार सोहळा ११ आणि १२ ऑक्टोबरला प्रदर्शित होणार आहे. पुरस्कार सोहळे असले की विविध कलाकृती, डान्स, विनोद, अनेक गमती जमती पाहायला मिळतात. चित्रपट पुरस्कार सोहळ्यांप्रमाणेच टीव्हीवरील प्रत्येक वाहिनी दरवर्षी पुरस्कार सोहळ्यांचे आयोजन करत असते. विविध भूमिकांना, मालिकांना पुरस्कार दिले जातात. सर्वोत्कृष्ट मालिकापासून ते सर्वोत्कृष्ट नायिका कोणती, सर्वोत्कृष्ट कुटुंब, सर्वोत्कृष्ट खलनायक असे अनेक पुरस्कार दिले जातात. याबरोबरच, काही कलाकारांचा त्याच्या कामासाठी विशेष पुरस्कार देऊन गौरव केला जातो. पुरस्कार सोहळ्याच्या निमित्ताने कलाकार व्यक्त होतात.त्यांच्या मनातील भावना सांगतात. मनातील हळवा कोपरा सर्वांसमोर उघड करतात. याबरोबरच, पुरस्कार सोहळ्याच्या निमित्ताने कलाकार विविध पोशाख परिधान करतात. काही कलाकार पारंपारिक कपड्यांमध्ये दिसतात. तर काही मॉडर्न कपड्यांमध्ये दिसतात. कलाकारांचे हे लूक प्रेक्षकांचे लक्ष वेधून घेतात. आता झी मराठी वाहिनीच्या नायिकादेखील विविध पोशाखांमध्ये तयार झाल्या आहेत. यामध्ये अहिल्यादेवी, जान्हवी, जयंती, माधुरी, सई आणि इतर भूमिका साकारणाऱ्या अभिनेत्री दिसत आहेत. (फोटो सौजन्य:झी मराठी इन्स्टाग्राम)