Navi Mumbai Airport Routes: कसे आहे नवी मुंबई आंतरराष्ट्रीय विमानतळ; पोहोचण्यासाठी मुख्य मार्ग कोणता?

Navi Mumbai International Airport Photos: नवी मुंबई आंतरराष्ट्रीय विमानतळ अखेर उड्डाणांसाठी सज्ज झाला आहे. (सर्व फोटो सौजन्य : नरेंद्र वास्कर आणि जयेश सामंत) ८ ऑक्टोबरला पंतप्रधान नरेंद्र मोदी यांच्या हस्ते या विमानतळाचे औपचारिक उद्घाटन होणार असून, त्यानंतर डिसेंबरमध्ये देशांतर्गत आणि आंतरराष्ट्रीय उड्डाणांना प्रत्यक्ष सुरुवात होणार आहे. नागरी हवाई वाहतूक महासंचालनालयाकडून परवाना मिळाल्यामुळे तिकीट विक्रीचा मार्ग मोकळा झाला आहे. पूर्ण क्षमतेने उड्डाणांसाठी इंडिगो, अकासा एअर आणि एअर इंडिया एक्स्प्रेस या प्रमुख विमान कंपन्यांनी यामध्ये स्वारस्य दाखवले असून, 'इंडिगो'ने पहिल्या उड्डाणासाठी आपली तयारी दर्शवली आहे. How To Reach Navi Mumbai International Airport: नवी मुंबई विमानतळ पनवेलजवळील उलवे भागात असल्याने ठाणे, पालघर, रायगड, मुंबई आणि उपनगरमधील रहिवाशांना हे विमानतळ गाठण्यासाठी काही महत्त्वाचे रस्ते मार्ग उपलब्ध आहेत. ठाण्याहून नवी मुंबई विमानतळ गाठण्यासाठी पूर्व द्रुतगती मार्गावरून मुलुंड, एरोलीमार्गे अथवा ठाणे-कळवा-विटावा, दिघा, नेरूळ तेथून पुढे बेलापूर-उलवे रस्त्याने विमानतळ गाठता येऊ शकते. हे अंतर अंदाजे ३५ ते ४० किमी इतके आहे. पश्चिम द्रुतगती मार्गाने जेव्हीएलआर, पूर्व द्रुतगती मार्ग, वाशी खाडी पूलमार्गे पुढे उलवेला पोहोचून विमानतळ गाठता येईल. हे अंतर अंदाजे ४० ते ४५ किमी आहे. वरळी येथून अटल सेतू, उलवे बेलापूरमार्गे विमानतळ गाठता येईल. विमानतळाकडे जाण्यासाठी अटल सेतू, ठाणे उन्नत मार्ग आणि मेट्रो-८ चे काम अद्याप पूर्ण झाले नसले तरी, तात्पुरत्या स्वरूपात बेलापूर-उलवे मार्गिकेच्या माध्यमातून प्रवेश दिला जाणार आहे. तसेच नवी मुंबई महापालिका परिवहन उपक्रमाच्या (एनएमएमटी) ५० वातानुकूलित विजेवरील बस विमानतळासाठी सुरू करण्यात येणार आहेत. वाशी, ठाणे आणि मुंबईशी थेट बस सेवेच्या माध्यमातून जोडणी केली जाणार आहे.