अभिनेत्री रसिका सुनील ही मराठी मनोरंजन सृष्टीतील लोकप्रिय अभिनेत्रीं पैकी एक आहे. ‘माझ्या नवऱ्याची बायको’ मालिकेत तिने शनायाची भूमिका साकारली आणि ती सुपरहिट झाली. तिचा चाहतावर्गही प्रचंड मोठा आहे. या मालिकेत तिने एका विवाहित पुरुषाच्या गर्लफ्रेंडची भूमिका साकारल्याने तिला प्रेक्षकांकडून अनेकदा खडे बोल ऐकावे लागले.
‘माझ्या नवऱ्याची बायको’ मालिकेत अभिजीत खांडकेकर, अनिता दाते यांची प्रमुख भूमिका होती. तर रसिका सुनील हिनेही यात महत्वपूर्ण भूमिका साकारली. विवाहबाह्य संबंध यावर या मालिकेची कथा आधारित होती. त्या मालिकेत काम करत असताना रसिकाला चाहत्यांचे विविध अनुभव आले. कोणी तिच्या कामाचं कौतुक केलं, तर कोणी तिचे कान पिळले. आता असाच एक अनुभव तिने सांगितला आहे.
‘लोकमत फिल्मी’ला दिलेल्या मुलाखतीत ती म्हणाली, “एकदा शुटींग संपल्यावर अभिजीत मला घरी सोडायला आला होता. तेव्हा एक बाई गाडी थांबवून उतरली आणि तिने माझ्या खांद्यावर जोरात मारलं कारण मी अभिजीतबरोबर होते.”
हेही वाचा : ‘सूर नवा ध्यास नवा’चं सूत्रसंचालन रसिका सुनील करणार! म्हणाली, “मी स्पृहाला फोन करून…”
तर आता तिने शेअर केलेला हा मजेशीर अनुभव तिच्या चाहत्यांना फारच आवडला आहे. या व्हिडीओवर कमेंट करत ते विविध प्रतिक्रिया देत आहेत.