PFI is another form of SIMI, Maharashtra ATS also insistent to ban this organization | Loksatta

`पीएफआय’ हे `सिमीʼचेच प्रतिरूप? बंदीबाबत महाराष्ट्र एटीएसही आग्रही होते!

सिमीʼ ही संघटना राज्यात विशेषत: मुंबई, ठाणे, रायगड, औरंगाबाद, मालेगाव भागांत खूपच सक्रिय होती. ‘सिमी’वर बंदी आल्यानंतरही या भागांतील कारवाया सुरूच राहिल्या. केवळ संघटनेचे नामकरण `पीएफआयʼ असे झाले.

`पीएफआय’ हे `सिमीʼचेच प्रतिरूप? बंदीबाबत महाराष्ट्र एटीएसही आग्रही होते!
`पीएफआय’ हे `सिमीʼचेच प्रतिरूप? बंदीबाबत महाराष्ट्र एटीएसही आग्रही होते!

मुंबई : ‘पॅाप्युलर फ्रंट ॲाफ इंडिया’ ही संघटना ‘स्टुडन्ट्स इस्लामिक मुव्हमेंट ॲाफ इंडिया’ची (सिमी) प्रतिरूप असल्याचे दहशतवादविरोधी विभागाच्या तत्कालीन उच्चपदस्थ अधिकाऱ्याने सांगितले होते. त्यावेळेस तसा अहवालही केंद्रीय गृहमंत्रालयाला पाठविण्यात आला होता. तेव्हापासून `पीएफआयʼच्या कारवायांवर राज्याच्या दहशतवादविरोधी पथकासह गुप्तचर यंत्रणेकडूनही पाळत ठेवण्यात आली. त्यातूनच अलीकडे झालेल्या मोठ्या कारवाईनंतर बंदीचा निर्णय घेतल्याचे आता स्पष्ट झाले आहे.

हेही वाचा… पीएफआय ‘सायलेंट किलर’, बंदीनंतर देवेंद्र फडणवीसांची पहिली प्रतिक्रिया, मोठा खुलासा करत म्हणाले…

सिमीʼ ही संघटना राज्यात विशेषत: मुंबई, ठाणे, रायगड, औरंगाबाद, मालेगाव भागांत खूपच सक्रिय होती. ‘सिमी’वर बंदी आल्यानंतरही या भागांतील कारवाया सुरूच राहिल्या. केवळ संघटनेचे नामकरण `पीएफआयʼ असे झाले. हळूहळू राज्याच्या कानाकोपऱ्यात हातपाय पसरायला या संघटनेने सुरुवात केली होती. तेव्हापासून दहशतवादविरोधी विभागाच्या रडारवर ही नव्याने नामकरण झालेली संघटना आली होती. इस्लामिक स्टेट म्हणजे आयसिसचे हस्तक कल्याणमधून दहशतवादविरोधी पथकाने ताब्यात घेतले तेव्हाही या संघटनेचे नाव पुढे आले होते. तेव्हापासून या संघटनेची फाइल दहशतवादविरोधी विभागाने तयार केली होती. देशपातळीवर पीएफआयʼविरुद्घ कारवाई सुरू करण्यात आली तेव्हा राज्यातील पाळेमुळे शोधण्यास दहशतवादविरोधी पथकाला वेळ लागला नाही. तब्बल २० जण अटकेत असून अनेकांना चौकशीसाठी ताब्यात घेण्यात आले आहे. अत्यंत गोपनीय प्रकारे या संघटनेचे काम सुरू होते, असे एका वरिष्ठ अधिकाऱ्याने सांगितले.

हेही वाचा… Maharashtra Breaking News Live : केंद्र सरकारकडून ‘पीएफआय’वर बंदी; राज्यातील इतर महत्त्वाच्या घडामोडी वाचा एका क्लिकवर…

`पीएफआयʼमधील अनेक सदस्य हे पूर्वाश्रमीच्या सिमी तसेच इंडियन मुजाहिद्दीन या अतिरेकी कारवायांशी संबंधित संघटनेशी संबंधित असल्याचे दहशतवादविरोधी पथकाच्या तपासात स्पष्ट झाले आहे. पीएफआयचा राष्ट्रीय अध्यक्ष अब्दुल रेहमान आणि राज्य सचिव अब्दुल हमीद हे पूर्वी सिमीचे अनुक्रमे राष्ट्रीय अध्यक्ष व राज्य सचिव होते. याशिवाय असे अनेक सदस्य आहेत जे सिमी किंवा इंडियन मुजाहिद्दीनशी संबंधित आहेत. पुण्यात जूनमध्ये झालेल्या स्फोटाशी संबंधित जे आरोपी पकडले गेले ते मूळ सिमीचे व आताच्या पीएफआय संघटनेचे सदस्य असल्याचे स्पष्ट झाले आहे. देशविघातक कारवायांसाठी पीएफआय फौज निर्माण करीत असल्याचा दावाही राष्ट्रीय तपास यंत्रणेतील सूत्रांनी केला. २०१९मधील नागरिकत्व (सुधारणा) विधेयक, दिल्लीतील दंगल वा हाथरस येथील निदर्शने आदी घटनांमागे पीएफआय असल्याचा दावाही या सूत्रांनी केला आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुंबई : तरुणाची हत्या करणारे दोघे अटकेत

संबंधित बातम्या

“…तर माझी मुलगी जिवंत असती”, श्रद्धा वालकरच्या वडिलांचे पोलिसांवर गंभीर आरोप, चौकशीची मागणी
“सत्तेचा पट सतत बदल राहतो खेळ संपल्यावर…”; सुषमा अंधारेंच विधान!
राज्यपालांच्या वक्तव्यानंतर उद्धव ठाकरे भावना भडकवत आहेत का? उदयनराजेंनी दिलं उत्तर, म्हणाले “भाजपाने त्यांना…”
“शिल्लक सेनेतले सगळे मर्द संपले असतील, तर…”, मनसेचा खोचक टोला; संजय राऊतांचा केला उल्लेख!
Maharashtra News Live : महाराष्ट्र-कर्नाटक सीमाप्रश्नी राज्यातील सर्व खासदारांची मोदींसमवेत बैठक; वाचा महत्त्वाच्या घडामोडी एका क्लिकवर!

व्हिडिओ

ताज्या बातम्या
अक्षय कुमारच्या ‘वेडात मराठे वीर दौडले सात’मधील शिवरायांच्या भूमिकेवर अमोल कोल्हेंची प्रतिक्रिया; म्हणाले…
पुणे: नामांकित उपहारागृहातील थाळी पडली एक लाखाला, एका थाळीवर एक थाळी मोफत देण्याच्या आमिषाने ऑनलाइन गंडा
FIFA WC 2022: ‘कबूतर नृत्य’! लहान ब्राझिलियन मुलाने रस्त्यावर केले रिचर्लिसनच्या डान्सचे अनुकरण, Video व्हायरल
गाय नव्हे माय! निर्दयीपणे कुत्र्याला त्रास देणाऱ्याला गाईने शिकवला धडा; पाहा घटनेचा थरारक Video
मुंबई विमानतळावर युकेमधून आलेल्या मिठाईच्या डब्यात सापडला गांजा; गुजरातमधून एकाला अटक