पैशाच्या वादातून मित्राच्या कानशिलावर पिस्तूल ताणली अन गोळी झाडली पण... | Due to a money dispute a pistol was pulled on a friend and shoot but A friend's life was saved nagpur | Loksatta

पैशाच्या वादातून मित्राच्या कानशिलावर पिस्तूल ताणली अन गोळी झाडली पण…

पिस्तुलातून झाडलेली गोळी पिस्तुलाच्या नळीत फसल्याने दैव बलवत्तर असलेल्या युवकाचा जीव वाचला.

पैशाच्या वादातून मित्राच्या कानशिलावर पिस्तूल ताणली अन गोळी झाडली पण…
( संग्रहित छायचित्र )

नागपूर : पैशाच्या वादातून एकाने मित्राच्या कानशिलावर पिस्तूल ताणली आणि गोळी झाडली. परंतु, ती गोळी पिस्तुलाच्या नळीत फसल्याने दैव बलवत्तर असलेल्या युवकाचा जीव वाचला. ही घटना कोराडी पोलीस ठाण्याच्या हद्दीत बोखारा येथे घडली. याप्रकरणी पोलिसांनी आरोपी रेहान अन्सारी असलम मियाजी (३०, बोखारा) असे आरोपीचे नाव आहे.

पोलिसांंनी दिलेल्या माहितीनुसार, मोहम्मद शरीफ मोहम्मद रफिक अंसारी (३७), रा. एकता कॉलनी, यशोधरानगर आणि आरोपी रेहान अंसारी दोघेही जीवलग मित्र होते. दोघेही बेरोजगार असताना काहीतरी व्यवसाय थाटण्याचा विचार केला. दोघांनी थोडेफार कर्ज घेऊन भागीदारीत कोराडी नाका ते बोखारा रोडवर संजेरी ताज नावाने हॉटेल सुरू केले. हॉटेल चांगले सुरू असताना दोन महिन्यातच त्यांच्यात वाद सुरू झाले. त्यामुळे आरोपीने ‘भागीदारी सोडून दे, मी तुझे पैसे परत देईन,’ असे शरीफला म्हटले. त्याच्या म्हणण्यानुसार शरीफने भागीदारी सोडली. मात्र, पैसे काही मिळाले नाही. तेव्हापासून त्यांच्यात पैशावरून वाद सुरू होता.

हेही वाचा : स्वतंत्र विदर्भ राज्यासाठी नागपूर कराराची होळी

२५ सप्टेंबर रोजी रात्री शरीफ हा पत्नीसह आरोपीच्या घरी पैसे मागण्यासाठी गेला. मात्र, आरोपीने पैसे दिले नाही. त्याने घराच्या छतावरून खाली उतरून शरीफवर पिस्तूलने गोळी झाडली. मात्र, गोळी न सुटता ती खाली पडली. आरोपीने परत पिस्तुलातून दुसरी गोळी कानशिलावर झाडली. परंतु, गोळी पिस्तुलात अडकल्याने शरीफचा जीव वाचला. भयभीत झालेल्या शरीफच्या पत्नीने आरोपीला धक्का देत बाजूला केले.आरोपीने ठार मारण्याचा प्रयत्न करत ‘पैसे देत नाही, जे करायचे ते करून घे’ असे त्यास म्हटले. घाबरलेल्या रफिकने पोलीस ठाणे गाठले आणि तक्रार दिली. याप्रकरणी तक्रारीवरून पोलिसांनी आरोपी विरुद्ध गुन्हा नोंदवला आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
गडचिरोलीमध्ये लोहखनिज वाहतूक जिवावर उठली ; प्रशासनाला लोकांच्या जिवापेक्षा कंपनीचे हित महत्त्वाचे?

संबंधित बातम्या

छत्तीसगड सीमाभाग आणि गडचिरोली जिल्ह्यातील नक्षल चळवळीला हादरे; अकरा महिन्यात १३२ नक्षल्यांचा मृत्यू
…अन् आमदार अशोक उईकेंनी कार्यकर्त्याच्या लग्नात धरला ठेका; भन्नाट डान्स पाहून वऱ्हाडी अवाक्
“अजित पवारांनी उंचीचा विचार करून बोलावं”; राज्यपालांबाबत केलेल्या ‘त्या’ विधानावरून चंद्रशेखर बावनकुळेंची प्रतिक्रिया
बदल्यांवरून राज्यातील पोलीस दलातील वरिष्ठ अधिकाऱ्यांमध्ये खदखद, कारणे कोणती?
भंडाऱ्यात रानटी हत्तींची घुसखोरी; शेतकऱ्यांचे मोठे नुकसान

व्हिडिओ

ताज्या बातम्या
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी