World No Tobacco Day 2022 : ‘या’ बॉलिवुड सेलिब्रिटींनाही आला धुम्रपानाचा तिटकारा, निर्धारानं सोडलं व्यसन!

३१ मे हा दिवस 'जागतिक तंबाखू विरोधी दिन' म्हणून साजरा केला जातो. या दिवसाचे मुख्य उद्दिष्ट तंबाखूचे दुष्परिणाम, त्यामुळे होऊ शकणारे रोग आणि प्रतिबंधात्मक उपाय याविषयी जागरुकता निर्माण करणे हे आहे. तंबाखूच्या सेवनामुळे हृदय व रक्तवाहिन्यासंबंधी रोग, कर्करोग, फुफ्फुसाचा आजार आणि मधुमेह यांसह चार प्रमुख असंसर्गजन्य रोग होऊ शकतात. धुम्रपान करणे आरोग्यासाठी घातक आहेच पण याचे व्यसन लागले तर ते सोडणे देखील फार कठीण होऊन जाते. अनेकांना धुम्रपानाचे दुष्परिणाम माहित असून देखील त्याचे व्यसन सोडता येत नाही. आज आपण धुम्रपान करण्याचे व्यसन यशस्वीपणे सोडवू शकलेल्या बॉलिवूड सेलिब्रिटींबद्दल जाणून घेणार आहोत. सैफ अली खान : बॉलिवूडचा नवाब अशी ओळख असणाऱ्या सैफ अली खानला देखील एके काळी धुम्रपानाचे व्यसन होते. सैफ चेन स्मोकर होता. परंतु, ३६व्या वर्षी सैफला ह्रद्याच्या तक्रारी जाणवू लागल्यामुळे त्याने धुम्रपान सोडून दिले. ह्रतिक रोशन : बॉलिवूडमधील सर्वात हॅण्डसम अभिनेता ह्रतिक रोशनला देखील धुम्रपानाचे व्यसन होते. अनेक प्रयत्न करूनही ह्रतिकला हे व्यसन सोडता येत नव्हते. 'इझी वे टू स्टॉप स्मोकिंग' या पुस्तकाचा ह्रतिकचं धुम्रपानाचे व्यसन सोडण्यामागे फार मोठा वाटा आहे. अर्जुन रामपाल : बॉलिवूड अभिनेता अर्जुन रामपाल आणि त्याच्या पूर्वीश्रमीच्या पत्नीलाही धुम्रपानाचे व्यसन जडले होते. ह्रतिक रोशनने अर्जुन रामपाल आणि त्याच्या पत्नीला जडलेले व्यसन सोडवण्यासाठी मदत केली. कोंकणा सेन शर्मा : बॉलिवूड अभिनेत्री कोंकणा सेन शर्माला धुम्रपानाचे व्यसन होते. कोंकणा आई झाल्यानंतर बाळाच्या आरोग्यासाठी तिने धुम्रपान करणे सोडले. सलमान खान : बॉलिवूडचा भाईजान सलमान खानदेखील धुम्रपानाच्या आहारी गेला होता. आरोगाच्या तक्रारी जाणवू लागल्यानंतर त्याने धुम्रपानाला रामराम ठोकला. अजय देवगण : बॉलिवूड अभिनेता अजय देवगणदेखील धुम्रपान करायचा. परंतु, रेड या चित्रपटाच्या शूटींग दरम्यान त्याने धुम्रपान करणे सोडून दिले. आमिर खान : मिस्टर परफेक्शनिस्ट आमिर खानदेखील धुम्रपानाच्या आहारी गेला होता. मुलांच्या हट्टापायी आमिरला त्याचे व्यसन सोडणे भाग पाडले. (सर्व फोटो : इंडियन एक्सप्रेस)