मलालाचे वडील युनोचे जागतिक शिक्षण सल्लागार

पाकिस्तानातील मुलींच्या शिक्षणाचा प्राणपणाने पुरस्कार करणारी शाळकरी मुलगी मलाला युसूफझाई हिचे वडील झियाउद्दीन युसूफझाई यांना संयुक्त राष्ट्रांनी जागतिक शिक्षण सल्लागार म्हणून नेमले आहे. तालिबान्यांच्या गोळीबारात जखमी झालेल्या मलाला हिच्यावर सध्या लंडन येथे उपचार सुरू आहेत. तिच्या वडिलांनी पाकिस्तानातील अत्यंत संवेदनशील अशा भागात शिक्षक म्हणून काम केले आहे. तालिबान्यांची दहशत झुगारून त्यांनी व त्यांच्या मुलीने शिक्षणाचा जो पुरस्कार केला त्याला तोड नाही. २०१५ पर्यंत जगातील सर्व मुलींना शालेय शिक्षण देण्यासाठीच्या युनोच्या योजनेला मलालाचे नाव देण्यात आले आहे.