मार्क वुड News

मार्क वुड (Mark Wood) हा इंग्लंडकडून खेळणारा वेगवान गोलंदाज आहे. १४५-१५० वेगाने गोलंदाजी करण्याची क्षमता त्याच्यामध्ये आहे. तो एक उत्कृष्ट स्विंग गोलंदाज आहे.

मागील काही वर्षांमध्ये इंग्लंडच्या संघासाठी (Team England) खेळताना मार्क वुडने चांगली कामगिरी केली आहे. एक्स्प्रेस डिलिव्हरी, उंच बाउन्स यांच्या बळावर त्याने संघामध्ये स्थान पक्कं केलं आहे. अनेकदा इंग्लंडच्या संघाला संकटातून बाहेर काढण्यासाठी त्याने मदत केली आहे. चांगला खेळ करण्याची क्षमता पाहून त्याला २०१९ च्या एकदिवसीय विश्वचषकासाठीच्या इंग्लंडच्या संघामध्ये सामील करण्यात आले होते. हा विश्वचषक इंग्लंडमध्ये असल्याचा फायदा मार्कसह इंग्लंडच्या अन्य गोलंदाजांना झाला होता.

मार्क वुडने विश्वचषक २०१९ (World Cup 2019) मध्ये एकूण १८ गडी बाद केले होते. सर्वात चांगली कामगिरी करणाऱ्या पहिल्या सहा गोलंदाजांमध्ये त्याचा समावेश होता. इंग्लंडला पहिला-वहिला विश्वचषक जिंकण्यासाठी त्याने मदत केली होती. यंदाच्या एकदिवसीय विश्वचषकामध्येही त्याने चांगला खेळ करुन दाखवावा अशी अपेक्षा त्यांच्याकडून इंग्लंडच्या संघाला आहे.