हिंदू धर्मग्रंथ वाचणाऱ्या एका मुस्लीम व्यक्तीला मुस्लीम युवकांनी मारहाण केल्याची घटना उत्तर प्रदेशात घडली आहे. गुरुवारी ५५ वर्षीय दिलशेर आपल्या घरामध्ये हिंदू धर्मग्रंथ वाचत असताना झाकीर आणि समीर हे दोन तरुण त्यांच्या घरामध्ये घुसले व त्यांना मारहाण केली. दिलेशर १९७९ सालापासून ‘राम चरित्र मानस’ आणि ‘गीता’ या हिंदू ग्रंथांचे वाचन करत आहेत.
झाकीर आणि समीरने त्यांची बाजाची पेटी मोडली व त्यांचे धर्मग्रंथ सोबत घेऊन गेले. हे ग्रंथ वाचू नका अन्यथा गंभीर परिणाम भोगावे लागतील अशी धमकी दिलशेर यांना देण्यात आली. दिलशेर सुरक्षा रक्षकाचे काम करतात.
Aligarh: A Muslim man Dilshad alleges he was beaten up at his residence by 2-3 people on July 4 when he was reading Ramayana; says, "I've been reading Hindu scriptures since 1979. They said they would shoot me if I continue this. They took away my Ramayana & Gita" pic.twitter.com/JqtRsNHZfj
— ANI UP (@ANINewsUP) July 5, 2019
मी डयुटीवरुन परतल्यानंतर आंघोळ करुन ‘राम चरित्र मानस’ वाचण्याची तयारी करत होतो. त्यावेळी हे युवक माझ्या घरात घुसले व त्यांनी मारहाण केली. हिंदू ग्रंथ वाचून मला मानसिक शांतता मिळते. माझ्या समाजानेच वेळोवेळी माझा विरोध केला आहे. दिल्ली गेट पोलीस स्थानकात दिलशेर यांनी तक्रार नोंदवली आहे.