पीटीआय, नवी दिल्ली, जेरुसलेम : इस्रायलचे पंतप्रधान बिन्यामिन नेतान्याहू यांच्या सरकारने न्याययंत्रणेत प्रस्तावित केलेल्या वादग्रस्त सुधारणांविरोधात तेथील सर्वात मोठय़ा कामगार संघटनेने पुकारलेल्या संपात भारतातील इस्रायलचा दूतावासही सामील झाल्याने तेथील कामकाज सोमवारी ठप्प झाले. इस्रायलचे जगभरातील राजनैतिक अधिकारीही या संपात सामील झाले आहेत. 

या बातमीसह सर्व प्रीमियम कंटेंट वाचण्यासाठी साइन-इन करा

नेतान्याहू सरकारच्या या निर्णयाच्या निषेधार्थ ‘हिस्ताद्रुत’ या राष्ट्रीय कामगार संघटनेने तेथील सरकारी कर्मचाऱ्यांबरोबरच विविध देशांत असलेल्या दूतावासांतील अधिकारी-कर्मचाऱ्यांनाही संपाची हाक दिली होती. त्यानुसार इस्रायलच्या भारतातील दूतावासातील कर्मचारीही संपात सामील झाल्याने सोमवारी दूतावास बंद होता. भारतासह जगभरातील सर्व इस्रायली अधिकारी बेमुदत संपावर गेल्याने दूतावासांतील कामकाज ठप्प झाले आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Strikes at israel embassies opposition in judiciary protests continue ysh
First published on: 28-03-2023 at 00:02 IST