गणेशगुळे किनाऱयावर पाण्यात बुडून दोघांचा मृत्यू

पाण्यात बुडून मृत पावलेले दोन्हीही तरूण कोल्हापूर जिल्ह्यातील इचलकरंजी येथील राहणारे आहेत. रविवारच्या सुटीमुळे ते गणेशगुळे येथील समुद्रकिनाऱयावर फिरण्यासाठी आले होते.  त्यावेळी समुद्राला भरती आली होती. मात्र, ओहोटी लागल्यावर तिघांना पाण्याचा अंदाज न आल्याने अचानक बुडू लागले. यावेळी किनाऱयावर असलेल्या इतरांनी आरडाओरडा सुरू केल्यावर काही लोकांनी त्यांना वाचविण्याचा प्रयत्न केला. पण केवळ एकाचेच प्राण वाचविण्यात लोकांना यश आले. ब्रिज सोनी आणि नरसिंह अशी मृत पावलेल्या तरुणांची नावे आहेत.