साई बाबा-श्रद्धा आणि सबुरी”, लवकरच प्रेक्षकांच्या भेटीला

1/5

श्रद्धा आणि सबूरीचा मंत्र देत मानवतेचा संदेश देणारे थोर संत श्री साईनाथ महाराज यांचे असंख्य भक्त-अनुयायी जगभर पसरले आहेत. कुणी त्यांना साई म्हणतं, तर कुणी बाबा. ते कुणाचे साईनाथ आहेत, तर कुणाचे साईराम. याच साईबाबांचा महिमा सांगणारी मालिका लवकरच “फक्त मराठी” वाहिनीवर सुरु होतय.

2/5

बऱ्याच वर्षांनी मराठी भाषेत साईबाबांच्या जीवनावर आधारित मालिका प्रेक्षकांना पाहायला मिळणार आहे. "साई बाबा – श्रद्धा आणि सबुरी" असं या मालिकेचं नाव असून 15 मार्चपासून ही मालिका प्रेक्षकांच्या भेटीला येणार आहे.

3/5

या मालिकेत अभिजित पवार या अभिनेत्याने साई बाबांची मुख्य भूमिका साकारली आहे. तसंच विविध मालिकांमधून घराघरात पोहचलेला अभिनेता अस्ताद काळे एका वेगळ्या भूमिकेत या मालिकेत पाहायला मिळेल.

4/5

त्याचसोबत दिप्ती भागवत, ओंकार कर्वे, अंजली दिलीप, ज्ञानेश वाडेकर, नंदिनी वैद्य, संदीप रेडकर, प्रसाद रावराणे अशा अनेक कसलेल्या कलाकारांच्या प्रमुख भूमिका या मालिकेत आहेत.

5/5

या मालिकेत इ. स. १८५६ ते १९१८ हा कालावधी दाखवण्यात येणार आहे.