जम्मू-काश्मीरचे मुख्यमंत्री ‘ओमर अब्दुल्ला’ कोण आहेत?, दुसऱ्यांदा घेतली सीएम पदाची शपथ!

Omar Abdullah to take oath today, J&K gets elected government after 10 years : ओमर अब्दुल्ला आज घेणार मुख्यमंत्रीपदाची शपथजम्मू-काश्मीरमध्ये १० वर्षांनी सरकार निवडून आले.त्यानंतर आता ओमर अब्दुल्ला आज म्हणजे १६ ऑक्टोबर रोजी मुख्यमंत्रिपदाची शपथ घेणार आहेत. जम्मू-काश्मीरच्या विधानसभा निवडणुकीत नॅशनल कॉन्फरन्स आणि काँग्रेस आघाडीने ४८ जागा जिंकल्या. लेफ्टनंट गव्हर्नर मनोज सिन्हा यांनी ओमर अब्दुल्ला यांना सरकार स्थापनेचे निमंत्रण दिले आहे. आज रोजी सकाळी ११.३० वाजता हा शपथविधी सोहळा सुरू होईल. दरम्यान कोण आहेत जम्मू-काश्मीरचे होणारे मुख्यमंत्री ओमर अब्दुल्ला, चला जाणून घेऊ. ओमर अब्दुल्ला यांनी १९९८, १९९९ आणि २००४ मध्ये लोकसभा निवडणुकांमध्ये श्रीनगर मतदारसंघातून निवडून येऊन आपल्या राजकीय कारकिर्दीची सुरुवात केली. त्यांनी २००२ मध्ये नॅशनल कॉन्फरन्सचे प्रदेशाध्यक्ष म्हणून कार्यभार स्वीकारला. २००९ मध्ये ते जम्मू-काश्मीरचे सर्वात कमी वयाचे मुख्यमंत्री बनले आणि २०१५ पर्यंत या पदावर होते. त्यांचे वडील फारुख अब्दुल्ला तसेच आजोबा शेख अब्दुल्ला हे दोघेही जम्मू-काश्मीरचे मुख्यमंत्री राहिले आहेत. उमर अब्दुल्ला यांचे शिक्षण श्रीनगरच्या Burn Hall School मध्ये झाले, नंतर त्यांनी मुंबईतील Sydenham College of Commerce मधून बीकॉम पूर्ण केले आणि स्कॉटलंडच्या University of Strathclyde येथून MBA केले. ते बडगाम विधानसभा मतदारसंघातून या निवडणुकीत विजयी झाले. बडगाम हा देखील श्रीनगर लोकसभा मतदारसंघाचाच भाग आहे. (सर्व फोटो साभार- ओमर अब्दूल्ला सोशल मीडिया)हेही वाचा- लॉरेन्स बिश्नोई टोळी ‘डी कंपनी’च्या वाटेवर?; हाजी मस्तान, करीम लाला ते अरुण गवळी ‘या’…