Photos : iPhone 13 आणि 12 वर मिळतेय मोठी सूट; जाणून घ्या, किती रुपये वाचणार

अॅपलची नवी आयफोन १४ सीरिज लाँच झाल्यानंतर जुन्या मॉडेलवर ऑफर्सचा जणू पूरच आला आहे. कंपनीनेही आपल्या जुन्या मॉडेल्सच्या किमती कमी केल्या आहेत. दरम्यान, कमी बजेटमुळे तुम्हीही अॅपलचे जुने मॉडेल घ्यायच्या विचारात असाल, तर तुमच्यासाठी एक आनंदाची बातमी आहे. २३ सप्टेंबरपासून सुरू होणाऱ्या फ्लिपकार्टच्या सेलमध्ये आयफोनच्या जुन्या मॉडेल्सवर मोठ्या सवलती मिळण्याची शक्यता आहे. पण जर तुम्ही सेलपर्यंत थांबू शकत नसाल तर सेल सुरू होण्यापूर्वी सध्या आयफोनवर कोणत्या ऑफर्स दिल्या जात आहेत ते आपण जाणून घेऊया. iPhone 13: आयफोन १३ ची किंमत ६९,९०० रुपये आहे. पण फ्लिपकार्टवर एक्सचेंज ऑफरमध्ये तुम्हाला १९,००० रुपयांची सूट मिळू शकते. जर तुमच्याकडे आयफोन ११ असेल, तर आयफोन १३च्या खरेदीवर तुम्हाला १८,००० रुपयांपर्यंत सूट मिळू शकते. पण जर तुम्हाला फ्लिपकार्टचा सेल सुरु होईपर्यंत थांबणे शक्य असेल, तर आयफोन १३ वर तुम्हाला २०,००० रुपयांपर्यंत सवलत मिळू शकते. फ्लिपकार्टने अलीकडेच सेल पेजवर संकेत दिले आहेत की हा फोन ४९,९०० रुपयांपर्यंत स्वस्त होईल. तथापि, ही वन टाइम ऑफर असेल. आयफोन १२ बद्दल बोलायचे झाले तर, हा फोन फ्लिपकार्टवर ६४,९०० रुपयांना उपलब्ध करून दिला जात आहे. पण जर तुम्ही जुना फोन बदलला तर तुम्हाला एक्सचेंज ऑफर अंतर्गत १९,००० रुपयांची सूट मिळू शकते. याशिवाय अॅक्सिस बँक कार्डधारकांना आयफोन १२ वर ५% सूटही मिळू शकेल. फ्लिपकार्ट सेलमध्ये या आयफोनची किंमत आणखी कमी केली जाईल अशी अपेक्षा आहे. (सर्व फोटो : अॅपल)