YES बँकेत NO मनी… असं का घडलं?

1/15

खासगी क्षेत्रातील नावाजलेल्या 'येस बँके'वर गुरूवारी रिझर्व्ह बँकेकडून अचानक निर्बंध लागू करण्यात आले आहेत. (सर्व फोटो सौजन्य – एक्स्प्रेस फोटो / पवन खेंगरे, पुणे)

2/15

देशातील सर्वोच्च अशा रिझर्व्ह बँकेकडून येस बँकेचे संचालक मंडळ गुरुवारी बरखास्त करण्यात आले.

3/15

रिझव्‍‌र्ह बँकेने येस बँकेवर निर्बंध घातल्यामुळे बँकेच्या खातेदारांना महिन्याभरात ५० हजार रुपयांपर्यंतच रक्कम काढता येणार आहे.

4/15

त्यापेक्षा अधिक रक्कम काढण्यासाठी रिझव्‍‌र्ह बँकेची विशेष मंजुरी घ्यावी लागेल. अपवादात्मक परिस्थितीत वैद्यकीय उपचार, विदेशी शिक्षण आणि लग्नासाठी हे पैसे काढता येतील.

5/15

या निर्णयामुळे पंजाब व महाराष्ट्र सहकारी बँकेपाठोपाठ (पीएमसी) आर्थिक संकटात असणाऱ्या येस बँकेला घरघर लागल्याचे स्पष्ट झाले आहे.

6/15

रिझर्व्ह बँकेकडून लागू करण्यात आलेल्या निर्बंधांमुळे खातेदारांमध्ये घबराट निर्माण झाली आहे.

7/15

या प्रकारानंतर खातेदारांनी पैसे काढण्यासाठी एटीएममध्ये धाव घेतली आणि रांगा लावल्या.

8/15

अचानक उपस्थित झालेल्या या संकटामुळे खातेदार ऊन्हाला न जुमानता रांगेत उभे असल्याचे दिसून आले.

9/15

येस बँकेवरील निर्बंधांची बातमी वाऱ्यासारखी पसरल्यावर ATM कडे धाव घेतलेल्या खातेदारांच्या पदरी निराशा आली.

10/15

येस बँकेच्या बहुतांश ठिकाणच्या ATM सेंटरमध्ये रोख रक्कम उपलब्ध नसल्याचे दिसून आले.

11/15

“येस बँकेवर घालण्यात आलेल्या निर्बंधांची आम्हाला कुठलीही माहिती नाही. आम्हाला पैसे काढायचे आहेत", अशी मागणी खातेदारांकडून केली जात आहे.

12/15

"होळीचा सण जवळ येतोय. आम्ही अडचणीत आहोत, पण ATM मध्ये पैसेच नाहीत” असेही खातेदारा सांगिताना दिसत आहेत.

13/15

बँकेत पैसे आहेत, पण स्वत:चेच पैसे काढता येत नाहीत, अशी खातेदारांची अवस्था झालेली आहे.

14/15

आर्थिक संकटात असलेल्या येस बँकेने आर्थिकदृष्ट्या सक्षम पुनर्उभारणी घेण्याबाबतचा विश्वासार्ह आराखडा सादर केला नाही. त्यामुळे बँकेविरुद्ध कारवाई करावी लागल्याचे रिझव्‍‌र्ह बँकेने म्हटले आहे.

15/15

बँकेकरिता भांडवल उभारण्यासाठी सुरू असलेल्या बँक व्यवस्थापनाच्या चर्चेला गती न मिळाल्याने हे पाऊल उचलावे लागत असल्याचेही नमूद करण्यात आले आहे.