“उद्धव आणि राज ठाकरे ज्या दिवशी एकत्र येतील…” ; संजय राऊत यांच्या वक्तव्याची चर्चा

संजय राऊत यांनी राज ठाकरे आणि उद्धव ठाकरे यांच्या युतीबाबत सकारात्मक प्रतिसाद दिला आहे. ते म्हणाले की, दोन्ही भाऊ योग्य वेळी निर्णय घेतील आणि मराठी माणसांच्या मनात हीच इच्छा आहे. महापालिका निवडणुकांच्या पार्श्वभूमीवर ही चर्चा रंगली आहे. राऊत यांनी भाजपावर टीका करत म्हटलं की, दोघे एकत्र आल्यास महाराष्ट्राच्या राजकारणात मोठा बदल होईल.

बॉलीवूड अभिनेत्री आलिया भट्टने 'कान्स फिल्म फेस्टिव्हल'मध्ये पदार्पण केलं आहे. नुकतच अभिनेत्रीने तिच्या यूट्यूब चॅनेलवर एक व्हिडीओ शेअर केला आहे. या व्हिडीओमध्ये तिने रेड कार्पेटसाठी तयारी करताना ती मज्जा करताना मज्ज करताना दिसत आहे. विशेष म्हणजे, व्हिडीओमध्ये आलियाच्या नावामागे 'आलिया कपूर' असं लिहिलेलं दिसतं, ज्यामुळे चाहत्यांमध्ये चर्चेला उधाण आलं आहे. आलियाने रणबीर कपूरसोबत लग्न केल्यानंतर तिचं आडनाव बदलल्याचं म्हटलं जात आहे.

अहमदाबादमधील सरदार वल्लभभाई पटेल विमानतळाजवळ एअर इंडियाचं प्रवासी विमान कोसळल्याने भीषण दुर्घटना घडली आहे. या विमानात २४२ प्रवासी होते आणि मोठ्या जीवितहानीची शक्यता आहे. विमान निवासी भागात कोसळल्याने स्थानिक इमारतींचंही नुकसान झालं आहे. अपघाताचे थरारक व्हिडीओ व्हायरल झाले आहेत. हे विमान अहमदाबादहून लंडनला जात होतं आणि तांत्रिक बिघाडामुळे अपघात झाला असावा.

पंजाबी गायक सिद्धू मूसेवालाची २०२२ साली लॉरेन्स बिश्नोई व त्याच्या गँगने हत्या केली होती. बीबीसीच्या 'द किलिंग कॉल' डॉक्युमेंटरीमध्ये गोल्डी ब्रारने सांगितले की सिद्धू आणि लॉरेन्स २०१८ पासून संपर्कात होते. सिद्धू बिश्नोईच्या विरोधक बम्बीहा टोळीशी मैत्री करू लागल्याने तणाव वाढला. विक्की मिद्दुखेराच्या हत्येतील कथित सहभागामुळे सिद्धूची हत्या झाली, असे गोल्डीने म्हटले.

बिहारच्या नालंदा जिल्ह्यातील लहेरी भागात एका औषधांच्या दुकानात काम करणाऱ्या रवी शंकर कुमारने दुकानाच्या नावात फक्त दोन अक्षरं बदलून मालकाला ४० लाख रुपयांचा गंडा घातला. त्याने "Shri Sai Pharma" चे "Shree Sai Pharma" असे नाव बदलून नवीन बँक खातं उघडलं आणि चेक्स त्या खात्यात जमा केले. पोलिसांनी रवी आणि त्याची पत्नी जुलीला अटक केली असून, सखोल चौकशी सुरू आहे.

'स्टार प्रवाह' वाहिनी लवकरच 'हळद रुसली कुंकू हसलं' ही नवी मालिका प्रेक्षकांसाठी घेऊन येत आहे. या मालिकेत समृद्धी केळकर व अभिषेक रहाळकर मुख्य भूमिकेत आहेत. यामध्ये समृद्धी गावातील मुलगी असून तिचं स्वाती नाव असलेल्या तिच्या गायीशी घट्ट नातं असतं. मालिकेचा प्रोमो सोशल मीडियावर शेअर करण्यात आला असून समृद्धीने तिच्या गायीसोबतचे फोटो पोस्ट केले आहेत. मालिकेचं शूटिंग कोल्हापुरात सुरू आहे.

नेटफ्लिक्सवर अ‍ॅक्शन, थ्रिलर, सस्पेन्स आणि ट्विस्ट असलेले अनेक चित्रपट उपलब्ध आहेत. यातील ५ बेस्ट सस्पेन्स थ्रिलर चित्रपटांमध्ये 'द किलर', 'जाने जान', 'नाऊ यू सी मी 2', 'देवा' आणि 'आय केअर अ लॉट' यांचा समावेश आहे. 'द किलर' हा डेव्हिड फिंचर दिग्दर्शित चित्रपट आहे, तर 'जाने जान' करीना कपूर, जयदीप अहलावत आणि विजय वर्मा यांच्या अभिनयाने सजलेला आहे. 'नाऊ यू सी मी 2' आणि 'देवा' हेही थ्रिलर चित्रपट आहेत. 'आय केअर अ लॉट' हा विश्वासघातावर आधारित थ्रिलर आहे.

आमिर खान त्याच्या खाजगी आयुष्यामुळे चर्चेत असतो. त्याने पहिली पत्नी रिना दत्तासोबत १६ वर्षे संसार केला आणि त्यांना दोन मुलं आहेत. नंतर त्याने किरण रावशी लग्न केलं, त्यांचाही १६ वर्षांनी घटस्फोट झाला. आमिरने लग्नसंस्थेचा आदर केला असून, विभक्त होण्याचे निर्णय योग्य ठरले असं म्हटलं आहे. त्याने लग्नसंस्थेवर विश्वास ठेवत, प्रत्येकाने हा अनुभव घ्यावा असं मत व्यक्त केलं.

प्रसिद्ध अभिनेत्री शुभांगी अत्रेचे पूर्वाश्रमीचे पती पियुष पुरे यांचे एप्रिल २०२५ मध्ये लिव्हर सिरोसिसमुळे निधन झाले. शुभांगीने नुकत्याच दिलेल्या मुलाखतीत पतीच्या आठवणीत भावूक होत त्याच्या व्यसनामुळे हे घडल्याचे सांगितले. दोघांनी २००३ साली लग्न केले होते, पण फेब्रुवारी २०२५ मध्ये घटस्फोट घेतला. 'भाभीजी घर पर है' मालिकेत अंगुरी भाभीच्या भूमिकेसाठी शुभांगीला प्रेक्षकांची पसंती मिळाली.

इंदोरच्या राजा रघुवंशीची शिलाँग येथे हत्या झाली असून, त्याची पत्नी सोनम रघुवंशी आणि राज कुशवाह यांनी मिळून हत्येचा कट रचल्याचा पोलिसांचा दावा आहे. सध्या दोघांची पोलीस कोठडीत चौकशी सुरू आहे. घटनास्थळी सोनमने राजाला नेले होते आणि मारेकऱ्यांनी त्याचा मृतदेह दरीत फेकला. पोलिसांनी आरोपींना घटनास्थळी नेऊन हत्येची घटना रीक्रिएट करण्याचे ठरवले आहे.

Budh Planet Gochar In Cancer : वैदिक ज्योतिषशास्त्रानुसार, बुध ग्रह सुमारे १ महिन्यानंतर एका राशीतून दुसऱ्या राशी गोचर करतो. दुसरीकडे, जेव्हा जेव्हा बुध ग्रह राशी बदलतो तेव्हा त्याचा थेट परिणाम वाणी, व्यापार, शेअर बाजार, तर्कशक्ती आणि अर्थव्यवस्थेवर दिसून येतो. म्हणून, बुधाच्या गोचर परिणाम सर्व राशींवर दिसून येईल. परंतु अशा ३ राशी आहेत ज्यांचे चांगले दिवस सुरू होऊ शकतात. तसेच करिअर आणि व्यवसायात प्रगती होऊ शकते. तुम्ही परदेश प्रवास करू शकता. चला जाणून घेऊया या ३ राशी कोणत्या आहेत…

काही वर्षांपूर्वी ईशा फाऊंडेशनचे संस्थापक सद्गुरू जग्गी वासुदेव आणि लेखक-गीतकार जावेद अख्तर यांच्यात मानवी तर्क, श्रद्धा व विश्वास यावर वाद झाला होता. जावेद अख्तर यांनी आध्यात्मिक गुरूंवर टीका करताना म्हटलं की, ते लोक निष्पापांवर धोकादायक खेळ खेळतात. सद्गुरूंनी जावेद अख्तर मेंदू वापरत नसल्याचं म्हटलं. अख्तर यांनी श्रद्धा आणि तर्क यावर जोर देत, पुरावे नसलेल्या गोष्टींवर विश्वास ठेवण्यावर प्रश्नचिन्ह उपस्थित केलं.

बंगळुरूतील आरसीबीच्या विजयी परेडमध्ये चेंगराचेंगरी होऊन ११ जणांचा मृत्यू आणि ४० हून अधिक जखमी झाले. विरोधकांनी कर्नाटक सरकारवर टीका केली. मुख्यमंत्री सिद्धरामय्या यांनी स्पष्टीकरण दिलं की, सरकारने हा कार्यक्रम आयोजित केला नव्हता, केएससीए व आरसीबीने आयोजन केलं होतं. आम्ही राज्यपालांना निमंत्रण दिलं होतं. मात्र पावसामुळे कार्यक्रम फक्त २० मिनिटे चालला.

मराठीतील प्रसिद्ध गायक संजू राठोडचं 'एक नंबर, तुझी कंबर… हाय चाल शेकी शेकी' हे गाणं सोशल मीडियावर तुफान लोकप्रिय ठरत आहे. यूट्यूब आणि इन्स्टाग्रामवर लाखो व्ह्यूज मिळवत आहे. 'इंद्रायणी' मालिकेतील अभिनेत्री कांची शिंदे, समृद्धी दांडगे, सायली देशमुख आणि अपूर्वा चौधरी यांनी या गाण्यावर डान्स व्हिडीओ शेअर केला आहे. इंदूच्या लग्नानंतर त्यांनी हा व्हिडीओ आनंदात शेअर केला आहे.

सोनम रघुवंशी आणि राजा रघुवंशी यांचे लग्न ११ मे रोजी झाले. २० मे रोजी हनिमूनसाठी निघाल्यानंतर सोनमने तिच्या बॉयफ्रेंड राज कुशवाहासह राजा रघुवंशीच्या हत्येचा कट आखला. २३ मे रोजी राजा आणि सोनम ट्रेकला गेले असताना सोनमने सुपारी देऊन राजाची हत्या घडवून आणली असा दावा मेघालय पोलिसांनी केला आहे.. राजाचा मृतदेह २ जून रोजी सापडला.

मराठी मालिकांमधील लोकप्रिय अभिनेत्री सीमा घोगळेने तिच्या वडिलांच्या निधनानंतरच्या काही दु:खद आठवणी शेअर केल्या आहेत. वडिलांच्या अंत्यसंस्काराचा निर्णय तिने स्वतः घेतला, ज्यामुळे तिचे कुटुंबीयांशी मतभेद झाले. तसंच वडिलांच्या निधनानंतर कुटुंबातील नातेवाईक आणि बहिणी तिच्यापासून दुरावल्या. आईच्या निधनानंतर तिघी बहिणी एकमेकींशी संपर्कात नाहीत. सीमाने या अनुभवांमुळे कुटुंबातील ताणतणावांबद्दल तिचं मत व्यक्त केलं.

इंदूरच्या सोनम आणि राजा रघुवंशीच्या लग्नानंतर २० मे रोजी ते मधुचंद्रासाठी गेले. २३ मे पासून ते बेपत्ता झाले आणि २ जून रोजी राजाचा मृतदेह सापडला. सोनम ८ जूनला पोलिसांना शरण आली आणि तिने राजाच्या हत्येची कबुली दिली. सोनमने तिच्या बॉयफ्रेंड राज कुशवाहाच्या मदतीने हत्येचा कट रचला होता. पोलिसांनी दिलेल्या माहितीनुसार, सोनमने राज कुशवाहाला ५० हजार रुपये दिले होते.

घरातील जुनं फर्निचर, दरवाज्यांना अचानक वाळवी लागते. ही वाळवी एवढी भयानक असते की, पूर्ण लाकडी फर्निचर पोखरुन त्याचे नुकसान करते. वाळवी लाकडी फर्निचर काही दिवसांत आतून इतके पोकळं करते की, शेवटी ते घरातून काढून फेकून देण्याशिवाय पर्याय उतर नाही, पण आज आपण अशा काही ट्रिक्स सांगणार आहोत, ज्याच्या मदतीने तुम्ही घरात कितीही जुनं लाकडी फर्निचर असू द्या, त्यांचे वाळवीपासून चांगल्याप्रकारे संरक्षण करु शकता.

राजा रघुवंशी आणि सोनम रघुवंशीच्या प्रकरणाने देशभरात खळबळ उडवली आहे. ११ मे रोजी लग्न झाल्यानंतर २० मे रोजी मधुचंद्रासाठी गेलेल्या राजाची २३ मे रोजी हत्या करण्यात आली. सोनमने तिच्या बॉयफ्रेंड राज कुशवाहाच्या मदतीने हा कट रचला होता. हत्येचा प्लान बीही तयार होता. हत्या अपयशी ठरल्यास सोनमने राजाला खाली ढकलण्याचा विचार केला होता. हत्येनंतर सोनम इंदूरला परतली आणि राजसोबत फ्लॅटमध्ये राहिली.

मराठी सिनेसृष्टीतील दिवंगत अभिनेते लक्ष्मीकांत बेर्डे हे आजही सर्वांच्या आठवणीत आहेत. २००४ साली त्यांनी निरोप घेतला, परंतु त्यांच्या विनोदी भूमिकांनी प्रेक्षकांच्या मनात अढळ स्थान मिळवलं आहे. आजवर अनेकांनी त्यांच्याबद्दलच्या जुन्या आठवणी शेअर केल्या आहेत. अशातच अभिनेत्री कविता मेढेकर यांनी लक्ष्मीकांत बेर्डेंबद्दलची जुनी आठवणी शेअर केली आहे.लक्ष्मीकांत बेर्डेंनी तू आता तुझ्या मुलाकडे लक्ष दे असं कविता यांना सांगितलं होतं.

बॉलीवूड अभिनेता आमिर खान लवकरच 'सितारे जमीन पर' या चित्रपटातून झळकणार आहे, जो २० जूनला प्रदर्शित होणार आहे. चित्रपटात आमिर बास्केट बॉल कोचच्या भूमिकेत दिसणार आहे. त्याला उंची कमी असल्याने भीती वाटायची, असे त्याने मुलाखतीत सांगितले. हा चित्रपट 'तारे जमीन पर'चा पुढचा भाग आहे आणि आर. एस. प्रसन्न यांनी दिग्दर्शित केला आहे.

अमेरिकेच्या राष्ट्राध्यक्षपदाच्या निवडणुकीत एलॉन मस्क यांनी डोनाल्ड ट्रम्प यांना पाठिंबा दिला होता, परंतु नंतर त्यांच्यात वाद निर्माण झाला. मस्क यांनी ट्रम्प प्रशासनातून बाहेर पडल्यावर दोघांमध्ये आरोप-प्रत्यारोप सुरू झाले. मस्क यांनी ट्रम्प यांच्यावर टीका करणाऱ्या पोस्ट केल्या, ज्यामुळे वाद आणखी चिघळला. अखेर, मस्क यांनी काही पोस्ट डिलीट करत पश्चात्ताप व्यक्त केला.

राजा आणि सोनम रघुवंशी यांचे ११ मे रोजी लग्न झाले. २० मे रोजी मधुचंद्रासाठी गेलेल्या या जोडप्याचा २३ मे पासून संपर्क तुटला. २ जून रोजी राजाचा मृतदेह सापडला आणि ९ जून रोजी सोनम पोलिसांना शरण आली. सोनमनेच राजाच्या हत्येचा कट रचल्याचे उघड झाले. शिलाँगच्या गाईड अल्बर्ट पीडीने दिलेल्या माहितीनुसार, सोनम आणि तीन आरोपींचा सहभाग स्पष्ट झाला. मेघालय पोलिसांनी या प्रकरणाला "ऑपरेशन हनिमून" असे नाव दिले आहे.

बालक पालक' चित्रपटातील अभिनेत्री शाश्वती पिंपळीकरने नुकतंच तिच्या आजारपणाबद्दल सांगितलं आहे. 'शूटिंगच्या धावपळीत तिच्या तब्येतीकडे दुर्लक्ष झाल्याने तिला फुफ्फुसांचा आजार झाला. याबद्दल खूप उशिरा लक्षात आल्यानंतर तिने डॉक्टरांच्या सल्ल्यानुसार ब्रेक घेतला होता. हा काळ तिच्यासाठी खूप अवघड असल्याचे तिने सांगितलं. या सगळ्यातून ती बरी होत असून यासाठी तिला दोन-तीन वर्ष लागू शकतात असा सल्ला डॉक्टरांनी दिला आहे. दरम्यान, शाश्वती आता 'पिंगा गं पोरी पिंगा' मालिकेत काम करत आहे.

Best Time to Bath: उन्हाळ्यात लोक स्वतःला स्वच्छ आणि ताजेतवाने ठेवण्यासाठी अनेक वेळा आंघोळ करतात. काही लोकांना उन्हाळ्यात सकाळी लवकर आंघोळ करायला आवडते, तर बरेच लोक उन्हाळ्यापासून आराम मिळवण्यासाठी दुपारी आंघोळ करतात. दिवसाची चांगली सुरुवात करण्यासाठी आंघोळ करणे खूप महत्वाचे मानले जाते. आयुर्वेदानुसार, योग्य वेळी आंघोळ केल्याने केवळ आरोग्याला फायदा होत नाही तर मानसिक शांती आणि ऊर्जा देखील मिळते. बहुतेक लोकांना आंघोळ करण्याची सर्वोत्तम वेळ कोणती याबद्दल माहितंच नसतं?

हैदराबादमध्ये 'वेदम' चित्रपटाच्या बोल्ड पोस्टरमुळे ४० हून अधिक अपघात घडले. अनुष्का शेट्टीच्या मादक फोटोमुळे हे अपघात झाले. वाहतूक पोलिसांनी तक्रारींनंतर पोस्टर हटवले. २०१० मध्ये प्रदर्शित झालेल्या या तेलुगु चित्रपटात अनुष्का शेट्टी, अल्लू अर्जुन, मांचू मनोज, मनोज वाजपेयी यांच्या प्रमुख भूमिका आहेत. चित्रपटाला पाच फिल्मफेअर आणि दोन नंदी पुरस्कार मिळाले, परंतु व्यावसायिकदृष्ट्या तो अपयशी ठरला.

लोकप्रिय टीव्ही मालिका 'सीआयडी' गेल्या पाच वर्षांहून अधिक काळ प्रेक्षकांचं मनोरंजन करत आहे. मालिकेच्या दुसऱ्या सीझनमध्ये शिवाजी साटम यांच्या जागी पार्थ समथानची एसीपी आयुष्मान म्हणून एन्ट्री झाली होती. मात्र, शिवाजी साटम पुन्हा शोमध्ये परतल्यामुळे पार्थने शो सोडला. त्याने भावुक पोस्ट शेअर करत सहकलाकारांबद्दल कृतज्ञता व्यक्त केली. पार्थच्या चाहत्यांनी त्याच्या भूमिकेचं कौतुक केलं आणि पुढील प्रोजेक्टसाठी शुभेच्छा दिल्या.

रवीना टंडनची लेक राशा थडानीने 'आझाद' चित्रपटातून बॉलीवूडमध्ये पदार्पण केलं. जान्हवी कपूर व सुहाना खान यांच्याशी होणाऱ्या तुलनेबाबत राशाने सांगितलं की, त्या तिच्यापेक्षा अनुभवी आहेत आणि त्यांच्याकडून शिकण्यासारखं आहे. 'आझाद' चित्रपटात राशाने अमन देवगणसह काम केलं, पण चित्रपटाने बॉक्स ऑफिसवर खास कमाई केली नाही. मात्र, 'उई अम्मा' गाण्यातील राशाच्या नृत्याने खूप प्रशंसा मिळवली.

कर्नाटक पोलिसांनी एका विवाहित महिलेची हत्या केल्याप्रकरणी तिच्या प्रियकराला अटक केली. मृत महिला हरिनी आर. (३३) आणि आरोपी यशस (२५) यांच्यात अनैतिक संबंध होते. हरिनीने हे नाते संपवण्याचा निर्णय घेतल्यावर यशसने तिला ठार केले. यशसने स्वतःच्या शरीरावरही वार करून आत्महत्येचा बनाव केला.

प्रसिद्ध दिग्दर्शक इम्तियाज अली यांनी 'जब वी मेट' चित्रपटामुळे त्यांच्या विरोधात तक्रार दाखल झाल्याचं नुकतंच सांगितलं. रतलाम शहराबद्दल चुकीची दृष्ये दाखवल्याचा आरोप होता. चित्रपट प्रदर्शित झाल्यानंतर इम्तियाज अली कोलकातामध्ये होते, तेव्हा निर्मात्यांनी त्यांना अरेस्ट वॉरंट आल्याचं सांगितलं. इम्तियाज अली यांनी 'द हॉलीवूड रिपोर्टर इंडिया'ला दिलेल्या मुलाखतीत हा किस्सा सांगितला. त्यांच्या 'जब वी मेट', 'लव्ह आजकल', 'रॉकस्टार' यांसारख्या चित्रपटांना प्रेक्षकांचा चांगला प्रतिसाद मिळाला आहे.

अभिनेता गोविंदा आणि सुनीता आहुजा यांच्या लग्नाला ३८ वर्षे झाली आहेत. सुनीता यांनी एका मुलाखतीत त्यांच्या नात्याबद्दल बोलताना प्रेम, विश्वास आणि मुलं या तीन गोष्टी महत्त्वाच्या असल्याचं सांगितलं. त्यांनी शाहरुख खानच्या 'डर' चित्रपटातील भूमिकेबरोबर स्वत:ची तुलना केली आणि पझेसिव्ह असल्याचं मान्य केलं. सुनीता यांनी त्यांच्या आईच्या सल्ल्याबद्दलही सांगितलं, ज्यामुळे त्यांनी गृहिणी होण्याचा निर्णय घेतला. गोविंदा आणि सुनीता यांच्या घटस्फोटाच्या अफवा खोट्या असल्याचंही त्यांनी स्पष्ट केलं.