डिजीलॉकर नावाप्रमाणेच, डिजिटल लॉकर. डिजीलॉकर अ‍ॅपमध्ये तुम्ही तुमची महत्त्वाची कागदपत्रे डिजिटल स्वरूपात सेव्ह करू शकता. या अ‍ॅपमध्ये तुम्ही तुमचा ड्रायव्हिंग लायसन्स, पॅन कार्ड, व्होटर आयडी कार्ड आणि पॉलिसी यासारखी कागदपत्रे सेव्ह करू शकता आणि गरज पडेल तेव्हा वापरू शकता. एकदा तुम्ही डिजिलॉकर उघडल्यानंतर तुम्ही तुमच्या कागदपत्रांऐवजांची एक प्रत इथे अपलोड करू शकता आणि ती सुरक्षितपणे संग्रहित करू शकता. या अ‍ॅपपमध्ये तुम्हाला तुमच्या डॉक्युमेंट स्टोरेजसाठी क्लाउड स्टोरेज देखील मिळते.
अपलोड केलेल्या दस्तऐवजांची सत्यता तपासण्यासाठी डिजीलॉकरमध्ये संपूर्ण प्रणाली आहे. जेणेकरून युजर्स डिजीलॉकरद्वारे सरकारी संस्थांसोबत ई-डॉक्युमेंट्स शेअर करू शकतील. पण तुम्हाला माहित आहे का की तुम्ही तुमचा मोबाईल नंबर डिजिलॉकरमध्ये तुम्हाला हवं तेव्हा अपडेट करू शकता. तुम्हाला हवं असल्यास, तुम्ही तुमच्या आधार क्रमांकाशी लिंक केलेला फोन नंबर DigiLocker खात्यासह अपडेट करू शकता. डिजिलॉकर खात्यामध्ये तुम्ही तुमचा नंबर कसा अपडेट करू शकता ते आम्ही तुम्हाला सांगत आहोत.
जाणून घ्या पद्धत :
- सर्वप्रथम तुमच्या स्मार्टफोनवर डिजिलॉकर अ‍ॅप उघडा
- नंतर युजर्सचे नाव आणि ६ अंकी सिक्यूरिटी कोडसह आपल्या खात्यात साइन इन करा.
- आता तुमचे लॉगिन डिटेल्स व्हेरिफाय करण्यासाठी तुमच्या डिजिलॉकरशी लिंक केलेल्या फोन नंबरवर एक OTP पाठवला जाईल.
- यानंतर OTP बॉक्सच्या खाली दिसणार्‍या Update Your Mobile Number या पर्यायावर क्लिक करा.
- आता तुमच्या आधार लिंक केलेल्या मोबाईल नंबरवर UIDAI ने पाठवलेला OTP टाका.
- त्यानंतर नवीन मोबाईल नंबर टाका.
- आता लॉगिन डिटेल्सचे व्हेरिफीकेशन करण्यासाठी नवीन मोबाईल नंबरवर डिजिलॉकरद्वारे प्राप्त केलेला OTP टाईप करा.
यानंतर, तुम्हाला तुमच्या डिजिलॉकर खात्यातील मोबाईल नंबरमधील बदलाबाबत कन्फर्मेशन नोटिफिकेशन मिळेल.