Pune Ganesh Visarjan: इटलीच्या तरुणीने गाजवली बाप्पाची मिरवणूक;मर्दानी खेळ करत जिंकली पुणेकरांची मनं
पुण्यातील मानाच्या गणपतींच्या विसर्जन मिरवणुकीला सुरवात झाली आहे. मानाचा दुसरा गणपती असलेला तांबडी जोगेश्वरी गणपती मंडळाची मिरवणूक पालखीमधून टिळक चौक, बेलबाग चौक तेथून पुढे अलका टॉकीज चौकाच्या दिशेने रवाना झाली आहे. पण या मिरवणुकीत एका परदेशी तरुणीने लक्ष वेधून घेतले आहे. अ‍ॅना मारा असं या तरुणीचं नाव असून गणेशोत्सवापूर्वी इटलीहून इथे येत श्री शिवाजीराजे मर्दानी आखाडामध्ये मर्दानी खेळाचे प्रशिक्षण घेतले होते. आज विसर्जन मिरवणुकीत सहभागी होऊन प्रात्यक्षिक सादर करून पुणेकरांची मन जिंकली.
