राजनाथ सिंहांनी केला उद्धव ठाकरेंना फोन; समजूत काढण्याचे प्रयत्न?

नोटाबंदीच्या निर्णयावरून सरकारविरोधात जाहीरपणे दंड थोपटणाऱ्या शिवसेनेशी भाजपकडून संवाद साधण्यात आला आहे. उद्धव ठाकरे यांच्या आदेशानंतर नोटाबंदीविरोधात बंगालच्या मुख्यमंत्री ममता बॅनर्जी यांच्या नेतृत्वाखाली राष्ट्रपती भवनावर काढण्यात आलेल्या मोर्चात शिवसेनेचे खासदार सहभागी झाले होते. या माध्यमातून शिवसेनेने भाजपविरोधातील आपली नाराजी जाहीरपणे व्यक्त केली होती.