हिंगणघाटमधील मुलीबद्दल जे घडलं ते अतिशय वाईट वाटणारी गोष्ट आहे. तिने लढत लढत मृत्यूशी झुंज दिली.हा विषय हा इतका ज्वलंत आहे की, जोपर्यंत मानसिकतेत बदल होत नाही. तोपर्यंत याला आळा बसणार नाही, असं काँग्रेस आमदार प्रणिती शिंदे यांनी म्हटलं आहे. पुण्यात स्पर्धा परिक्षांची तयारी करणार्या विद्यार्थ्यांच्या अडचणी समजून घेण्यासाठी एमपीएससी स्टुंडट्स राईट्स या संस्थेच्यावतीने ‘संवाद – स्पर्धा परिक्षा विद्यार्थ्यांशी’ या कार्यक्रमाचे आयोजन करण्यात आले होते. या कार्यक्रमानंतर त्यांनी माध्यमांना हिंगणघाट जळीतकांडाबद्दल बोलताना ही प्रतिक्रिया दिली.