Amol Kolhe: शिवपुत्र संभाजी महानाट्य सुरु असताना नेमकं घडलं काय? अमोल कोल्हेंचे थेट पोलिसांवरच आरोप
पिंपरी- चिंचवड शहरातील एचए मैदानावर शिवपुत्र संभाजी महानाट्याचे सादरीकरण सुरू आहे. या महानाट्याचा पास फ्री मिळावा म्हणून पिंपरी पोलिसाने धमकी दिल्याचा आरोप खासदार आणि अभिनेते अमोल कोल्हे यांनी केला आहे. संभाजी महाराज यांचा इतिहास कसा सादर होते ते बघतो अशी धमकी दिल्याचे अमोल कोल्हे यांनी महानाट्य सादर करत असताना स्टेजवर जाहीरपणे सांगत खंत व्यक्त केली आहे. अद्याप फ्री पास मागितलेल्या त्या संबंधित पोलिस अधिकारी, कर्मचाऱ्याचे नाव समोर आलेले नाही. परंतु, या प्रकारामुळे स्थानिक परिसरात चांगलीच चर्चा रंगली आहे.
